聲夢傳奇2|Eric Kwok與XiX化身80年代粉紅少女跳唱 網民:50歲都嚟啦!

電視

廣告

TVB《聲夢傳奇2》上週六(10日)繼續導師學員合唱的環節,仲玩「我超越我」!Eric Kwok今集真係夠晒「超越」,竟然搏晒老命同愛將女團XiX一齊跳唱《重口味》,不過網民睇完就指「極尷尬」!

第三輪團戰Eric Kwok化身粉紅少女跳唱《重口味》

Eric Kwok為了配合愛將 XiX,搏老命陪跳舞兼挑戰高難度動作,對他來說更是前所未有的「反地心吸力」嘗試!在紅隊排練花絮片中,自稱 8 年冇涉足舞壇的 Eric 全程勁焦慮,不斷向鏡頭「放負」:「好擔心學唔切」、「死喇,好驚呀」、「點解我要出嚟?總監唔應該咁辛苦架喎」,練到飆晒汗的他更「懺悔」指下次不應對 XiX 這麼嚴厲。

聲夢傳奇2 Eric Kwok:「點解我要出嚟?總監唔應該咁辛苦架喎」
Eric Kwok:「點解我要出嚟?總監唔應該咁辛苦架喎」(圖片來源:TVB提供《聲夢傳奇2》節目截圖)
聲夢傳奇2 Eric Kwok為了配合愛將 XiX,搏老命陪跳舞兼挑戰高難度動作
Eric Kwok為了配合愛將 XiX,搏老命陪跳舞兼挑戰高難度動作(圖片來源:TVB提供《聲夢傳奇2》節目截圖)

Eric Kwok嬌俏扭腰嚇襯網民

日夜苦練一個月後,Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping,配以 XiX 成員先後做出側手翻等吸睛動作,成功炒熱氣氛,Eric 跳畢更眼眶通紅。同為資深音樂製作人的譚國政和舒文分別說:「Eric 睇落好有郭富城感覺」、「呢個表演精彩、Entertaining 係大家依家好需要嘅嘢」。不過網民就睇到眼都凸,大批「好尷尬」「happy伯上身?」「50歲都嚟唔好咁啦」

Eric Kwok 聲夢傳奇2 Eric 跳畢更眼眶通紅
Eric 跳畢更眼眶通紅(圖片來源:TVB提供《聲夢傳奇2》節目截圖)
聲夢傳奇2 Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping
Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping(圖片來源:TVB提供《聲夢傳奇2》節目截圖)
聲夢傳奇2 Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping
Eric Kwok終登上舞台大晒「舞」功,以嬌俏扭腰少女 Move,大跳 Jazz funk、Girls Hip Hop 及 Popping(圖片來源:TVB提供《聲夢傳奇2》節目截圖)

聲夢傳奇2|第三輪團戰回顧

Maggie趙頌宜對戰大魔王Sabrina

第 11 集,由郭偉亮(Eric)率領的紅隊及陳奐仁(Hanjin)率領的藍隊將進入第三輪團戰—合唱對戰。合唱對戰共分6個回合進行,包括4個回合的導師合唱對戰、1個回合的學員合唱對戰及1個回合的兩隊代表合唱對戰,最終落敗一隊需淘汰兩個單位學員。

Eric Kwok 聲夢傳奇2 大魔王Sabrina趙紫諾對戰Maggie趙頌宜
大魔王Sabrina趙紫諾對戰Maggie趙頌宜(圖片來源:TVB提供《聲夢傳奇2》節目截圖)

Maggie趙頌宜衝破「一碌木」台風

在二汶的超吸睛開場下,Maggie 終擺脫「一碌木」台風,一邊扭腰一邊唱出《忘記他》。Maggie 的亮眼演出就連 Eric 也為之讚嘆:「二汶真係將 Maggie 開咗出嚟!(意指:釋放咗 Maggie)」二汶則感恩謂:「佢衝破自己可以郁已經好好。」對於紅藍兩隊實力之戰,評審們似乎亦相當頭痕,電台 DJ 鄭啟泰:「我今日要揀一粒星嘅話,都要諗好耐……」果然勢均力敵。

Eric Kwok 聲夢傳奇2 Maggie 在二汶的超吸睛開場下,Maggie 終擺脫「一碌木」台風
在二汶的超吸睛開場下,Maggie 終擺脫「一碌木」台風(圖片來源:TVB提供《聲夢傳奇2》節目截圖)
Eric Kwok 聲夢傳奇2 Maggie Maggie 的亮眼演出就連 Eric 也為之讚嘆
Maggie 的亮眼演出就連 Eric 也為之讚嘆(圖片來源:TVB提供《聲夢傳奇2》節目截圖)

大魔王Sabrina首度挑戰廣東歌

有「聲夢大魔王」之稱的 Sabrina,與藍隊「後起之秀」Maggie 的對戰。Sabrina雖然唱功一直備受讚好,但她依然未見鬆懈、先後挑戰打鼓及不擅長的跳唱「我超越我」。這集 Sabrina 將挑戰最大弱點「廣東話」,首度在《聲夢 2》舞台獻唱廣東歌。雖然咬字仍有待改善,但歌詞中一些容易出現懶音的字眼包括「光」及「生」等均 Handle 得不俗,Gin Lee事後大讚 Sabrina 很努力,及花了很多時間準備廣東話,總監 Eric 則大感安慰:「咁嘅壓力下都可以唱到廣東話!」

Eric Kwok 聲夢傳奇2 Sabrina首度挑戰廣東歌
Sabrina首度挑戰廣東歌(圖片來源:TVB提供《聲夢傳奇2》節目截圖)
Eric Kwok 聲夢傳奇2 Gin Lee事後大讚 Sabrina 很努力,及花了很多時間準備廣東話
Gin Lee事後大讚 Sabrina 很努力,及花了很多時間準備廣東話(圖片來源:TVB提供《聲夢傳奇2》節目截圖)

圖片來源:TVB提供《聲夢傳奇2》節目截圖資料或影片來源:原文刊於東方新地