社內相親︳陳漢娜狂踩Anson Lo仲話佢隻動物！網民：講出心聲

社內相親︳盧瀚霆Anson Lo似短尾矮袋鼠？

原本韓劇《社內相親》第2集就講到女主角因為要拒絕男主角的求婚，所以故意將男主角踩到一文不值，更將男主角形容為一隻動物，就係「始祖鳥」。

嚟到港版，換咗男主角無理由又係似返「始祖鳥」！同韓版一樣陳漢娜誤入Anson Lo車上，跟住為咗拒絕Anson Lo，就話Anson Lo上上下下佢都唔鍾意，髮型同佢chok樣都頂唔順，仲話佢講嘢嘔心兼肉麻，最後更狠指Anson Lo似「短尾矮袋鼠」！

社內相親︳網民：咁似，邊個天才諗出嚟！

網民大讚編劇改得好好，認為真係好似，仲勁過韓版！「好似」「個鼻好似」「Hanna出街要小心神徒」「100% match」「編劇借啲意 短尾矮袋鼠」「Hanna講出大家心聲」「呢個位改得幾好」「咁似，邊個天才諗」「其實好得意」

社內相親︳澳洲「短尾矮袋鼠」係被喻為「世界上最快樂的動物」

澳洲「短尾矮袋鼠」其實係袋鼠界的KOL！早前因為澳洲年輕女設計師Suzana Paravac喺ig po上一輯短尾矮袋鼠的相後令佢人氣急升，其自帶微笑的可愛樣，親近人類的個性，被喻為「世界上最快樂的動物」令唔少旅客都會慕名而來去澳洲睇佢個可愛樣！

社內相親︳Anson Lo：Yes or No?

劇集播出後Anson Lo於社交平台搞笑po出一張食菜的照片，仲問粉絲「短尾矮袋鼠，Yes or No」！唔少神徙都留言大讚教主好可愛「Yes!係好cute嘅短尾矮袋鼠」「係咪可以俾你鬧我ridiculous了」「你可愛過短尾矮袋鼠丫」「係咪要餵薄荷葉」