龍珠Z

【好強嘅氣呀!】龍珠Z戰士打到東港城!

電視

廣告

【嘩!佢嘅戰鬥力已經去到百九幾萬啦!】

成班龍珠Z戰士悟空、菲利、杜拉格斯、布歐、笛子魔童同比達已經打到去將軍澳東港城、為咗參加7月7日至8月31日舉行嘅「東港城 x 龍珠Z《盛夏‧最強對最強》」展覽。

text-專題組

3千呎嘅展區,最搶眼當然係10隻像真度極高嘅立體龍珠Z戰士,7米高嘅神龍係由日本製造,今次係首次離開日本展覽,大家有乜願望同佢講啦!

好多場景都係照住原漫畫1:1搭建,手工極精細,龍珠迷一定認得呢間「天下一武道會」眾選手出場比賽嘅門口!

今次所有戰鬥力最強嘅正邪Z戰士都有嚟東港城,又點少得魔人布歐?

場中有得睇重有得玩,設有「4D龍珠必殺技體感專區」,以「天下一武道會」為題,粉絲對住大電視練悟空必殺技——「龜波氣功」同「元氣彈」!

內容延讀:

荷里活級特技 台製Batman vs Joker vs 渣古 vs 美國隊長

KOF聯乘Slam Dunk? 5大經典場面 八神庵學櫻木爆籃

杜拉格斯同埋佢身後面嘅膠囊屋都忠實還原。

場內勁多影相位:有觔斗雲畀你坐住selfie,亦可以坐下比達嘅專用「網球形」波波太空艙,重有「貓仙人塔」畀你攀上去影相,粉絲記住着靚啲。

 

收藏《龍珠》閃卡嘅忠粉,重可以行場內嘅「穿梭閃卡時光隧道」,裏面收藏咗超過5百張珍藏閃卡,有啲仲係絕版閃卡,又有好多龍珠系列嘅兒時玩具,最緊要嘅係,大會設有「莊子Capsule Corporation膠囊公司」售海外特別版龍珠精品,一定要去呀。

YOU MAY ALSO LIKE ...

There are 2 comments

Add yours

Comments are closed.