One Piece海賊王真人版影評丨港日美評價：Netflix神還原vs漫改真人必爛
廣告
One Piece海賊王真人版影評丨萬眾期待Netflix製作的真人版《海賊王》（ONE PIECE）8月31日正式上架！呢套真人版就連漫畫原作者尾田榮一郎都寫包單包好睇的真人版，到底係咪真係咁好睇？網民似乎就意見兩極，有粉絲就話動作場面勁唔掂，亦有評論認為Netflix簡直完成咗不可能的任務！
One Piece海賊王真人版影評丨香港網民：打鬥場面「慢過大聖劈掛」
香港網民喺facebook群組「Netflix 香港討論區」出post，指自己睇完Netflix真人版《海賊王》（ONE PIECE）第一集覺得麻麻地「頂唔緊」，認為打鬥場面動作唔流利，簡直要用「慢過大聖劈掛」去形容，仲話CG都救唔返，故事膠味濃，仲話似乎呢套真人版《海賊王》都逃唔過漫畫改編真人必爛定律。
海賊王真人版︳意見兩極「One Piece 原作打鬥根本就差」
此討論一出，都有唔少反對意見，認為「第一集黎講都唔差架雖然有改編令個故事冇咁好睇，但以電視劇每集時常咁考慮呢個改動係合理的。打鬥偏慢係事實，可能經費唔係用係第一集，希望之後可以多啲特效啦。不過真心唔係差，以一個獨立作品黎睇有6、7分，海賊王ip加成可以有8分，如果淨係同其它漫改對比呢套好超多啦」「比想像中已經好好多，收貨」「One Piece 原作打鬥根本就差，我覺得真人版做得好好」「作為One Piece死忠，我覺得及格線以上」
One Piece海賊王真人版影評丨日本網民好評居多：大讚細節處理好
Netflix真人版《海賊王》（ONE PIECE）喺日本網民睇法中，都係好評居多，仲大讚細節處理好、選角又認真，雖然真人版有改編但係無離開故事核心。
One Piece海賊王真人版影評丨外國評論：Netflix完成咗不可能的任務
而外國評論都係好評為多，直頭認為Netflix簡直完成咗不可能的任務！指真人版《海賊王》有好多神還原的地方，尊重原著，角色同故事改編的位置都改得非常好，完全帶出到日本熱血情懷。
近日Netflix實行了什麼新政策？
首先，Netflix推出了新月費計劃，但卻引起了大眾網民的謾罵。之後，Netflix 再推出一項新的「個人帳户轉移」（Profile Transfer）功能，相信是為了打擊家庭共享帳號而舖路。
圖片來源：Netflix真人版《海賊王》、ig＠onepiecenetflix
