東張西望丨女神李旻芳與攝影隊大埔採訪遭大漢爆粗：「溶咗你都得啊！」

Apr 28 2023

李旻芳丨TVB節目《東張西望》過往不時揭發社會大小事，日前節目就收到大埔元嶺村村民求助，表示家門前一段小路被一位自稱擁路段業權人士要求過路者就需付費，村民拒絕後反被對方用鐵閘封實，而有《東張》女神稱號嘅李旻芳就前往該村採訪，但期間就遇上恐嚇！

東張西望李旻芳李旻芳係「東張女神」之一！ — 李旻芳係「東張女神」之一！（圖片來源：截圖@東張+youtube）

東張西望丨受害村民一度懷疑爭取「公義」係咪正確

大埔元嶺村村民李小姐向《東張》求助，並表明自己同家人之前已曾向政府部門求助，但收到的回覆則表示該路段屬私人土地，政府無法介入。她透露自己所住的單位鄰居有老人家同小朋友，現時因為拒絕付費所以令佢地出街都要兜路行，小朋友甚至會在鐵閘直接跨越，如不幸發生意外，後果會相當嚴重。李小姐無奈地表示現時自己爭取所謂嘅「公義」，係咪正確做法，係咪反而會為佢地帶嚟麻煩。

東張西望李旻芳受害村民李小姐向節目表示，家門前一段小路被一位自稱擁路段業權人士要求過路者就需付費，拒絕付費反遭對方用鐵閘封實。 — 受害村民李小姐向節目表示，家門前一段小路被一位自稱擁路段業權人士要求過路者就需付費，拒絕付費反遭對方用鐵閘封實。（圖片來源：截圖@東張+youtube）

東張西望李旻芳鄰居有老人家同小朋友，有時小朋友會直接係鐵閘前跨越，十分危險！ — 鄰居有老人家同小朋友，有時小朋友會直接係鐵閘前跨越，十分危險！（圖片來源：截圖@東張+youtube）

東張西望丨女神李旻芳遭受大漢恐嚇用粗口狂鬧

之後節目又爆料指政府無法介入事件，係因為背後疑有一位曾擔任鄉事委員會及鄉議局要職嘅一位李姓男子，而《東張》女神稱號嘅李旻芳就前往李先生嘅住所採訪，但遭對方家人拒絕並揚言要報警。其後李旻芳與攝製隊見到村內附近士多有村民休息，詢問對方可否進行採訪，但村民見狀後立即起身並用粗口狂鬧！

東張西望李旻芳李旻芳前往疑涉今次路權糾紛、曾擔任鄉事委員會及鄉議局要職嘅一位李姓男子住所，但對方家人得知係攝影隊揚言要報警。 — 李旻芳前往疑涉今次路權糾紛、曾擔任鄉事委員會及鄉議局要職嘅一位李姓男子住所，但對方家人得知係攝影隊揚言要報警。（圖片來源：截圖@東張+youtube）

東張西望李旻芳其後李旻芳與攝製隊見到村內附近士多有幾位大漢休息，但村民見狀後立即起身用粗口狂鬧！ — 其後李旻芳與攝製隊見到村內附近士多有幾位大漢休息，但村民見狀後立即起身用粗口狂鬧！（圖片來源：截圖@東張+youtube）

東張西望丨大漢恐嚇攝影師：「溶咗你都得啊！」

幾個大漢立即上前質問攝製隊係咪影到自己，並郁手搶起攝製隊手上嘅攝影機，雙方一度糾纏，攝製隊亦向幾個大漢表示攝影機係公司財產係唔可以掂。其後大漢就話，「報警啦，咁你報警！」期間攝影機收音器材因雙方拉扯而損毀，而攝製隊最後報警處理。其後警方到場了解事件時，其中一位大漢恐嚇攝影師，「細佬，我唔知邊度溶咗你都得啊！」攝製組就向警方自己遭受恐嚇，但警方表示雙方處於爭持狀態，「但你話係一個明顯去搶嘅舉動，老實講，就一半半嘅。」最後警員護送攝製組離開後，向節目組表示以涉嫌刑事毀壞拘捕一名在場男士。