東張西望︳港女想箍煲落情降被騙2萬銀背後全因一句話！

Feb 1 2023

TVB節目《東張西望》經常為各界苦主伸張正義以及報導唔少有趣古怪的節目。昨日最新一集（31日）講到一名女士林小姐話因為同前度分手後太傷心，誤信「情降」被呃錢，背後全因一句話！

東張西望受害人林小姐 — 受害人林小姐（圖片來源：youtube＠TVB USA Official）

情降法事2萬銀無效仲可以有退款

受害人林小姐講到早前喺網上識咗個男仔，啱啱一齊嗰時對自己好熱情，但點知慢慢開始冷淡，然後仲分埋手，林小姐對個男仔念念不忘，好想同個男仔復合，不過男仔就對佢好決絕，點都唔肯再俾機會呢段感情，林小姐就唯有自己搵「出路」！林小姐上網搵到一間專幫人做感情法事的網站，問咗一輪之後負責人T先生就將佢轉介咗俾L先生，指感情法事係唔夠勁，情降就最有效「情降的成功率係80％」。轉介後，L先生仲解釋話可能令對方更加重視你，遠離身邊的桃花，一心一意咁對你，不過就要成2萬銀！林小姐就考慮咗好多日，然後全因L先生竟然提出「無效可以退款」，而且佢旺角仲有實體店。

做法事有禁忌唔可以講粗口

L先生就搵咗個師傅問咗林小姐拎佢同前度的照片、全名同埋出生年月日，睇完之後就話好大機會會復合，指林小姐同佢前度仲有緣份，更強調2個月內乜事都無的話就會退款，林小姐就信以為真，即刻俾錢排期做法事！法事當日小姐拎咗前度件外套俾師傅，當時師傅仲話有啲禁忌要遵循如「不能與其他人發生性行為」、「不能吃牛肉」、「不能喝酒」及「不能說髒話」搞到林小姐信到十足十，跟足嚟做。《東張西望》就搵咗個泰國法事師範問吓，師傅就解釋嗰啲禁記都係吹水，做法事係無禁忌。

回水無效發現被騙

去到最後，林小姐就發現完全無改變，前度對佢的態度依舊，但林小姐都真係等夠2個月，但都係無用，就同埋呀媽去要求回水，去到店鋪已經清晒場，L先生已深潛，林小姐就發現自己俾人呃咗，佢搵返轉介人T先生但就唔關自己事。《東張西望》就「放蛇」搵到疑似係L先生的拍檔，L先生好似仲有繼續有經營，又話可以無效退款！不過最後林小姐都係拎唔返啲錢，只可以當買咗個教訓。