新四十二章 | 江嘉敏男仔頭新劇開播 咁大犧牲竟狂惹負評

電視

廣告

《新四十二章》本為2022年台慶劇,原定接檔《美麗戰場》播出,卻幾經變陣,最終變成新年後播出。《新四十二章》正正就係江嘉敏大犧牲剪短髮的劇集,江嘉敏換咗一頭短髮不但女神降lv,就連男朋友都無埋,咁大犧牲,點知預告一出竟惹來眾多負評!

新四十二章 江嘉敏為拍劇犧牲一頭長髮。
江嘉敏為拍劇犧牲一頭長髮。(圖片來源:《新四十二章》預告截圖)

《新四十二章》江嘉敏 飾演「現代韋小寶」

現年28歲的江嘉敏今次被監製落order剪短頭髮,以男仔頭造型飾演「現代韋小寶」劇中飾演擁有數學天賦的邵桂芝,在潛意識中連結了韋小寶的經歷,每次瀕死時都會出現解決危機的提示。

江嘉敏 新四十二章 四十二章經
江嘉敏為演「現代韋小寶」而剪短頭髮。(圖片來源:tvb.com)

呼應《鹿鼎記》

《新四十二章》是《殺手》監製陳維冠的作品故事,呼應《鹿鼎記》情節,講述一眾現代人「化身」成歷史人物,爭奪失落已久的寶藏「四十二章經」。

江嘉敏 新四十二章 無綫節目巡禮 2023 無綫節目巡禮
《新四十二章》由陳豪、龔嘉欣、江嘉敏、周嘉洛等多位演員演出。(圖片來源:《新四十二章》預告截圖)

被周嘉洛綑綁兼鞭打

劇中江嘉敏同周嘉洛有感情線,預告亦見到她被周嘉洛在床上綑綁兼鞭打,大玩SM情節。不過網民就對江嘉敏的男仔頭造型好唔受落,不少網民指自從江嘉敏為拍劇而剪短髮後,不但被仔飛,星途亦從此一沉百踩!

新四十二章 網民都狠批短髮的江嘉敏好趕客!
網民都狠批短髮的江嘉敏好趕客!(圖片來源:《新四十二章》預告截圖)
江嘉敏 新四十二章 周嘉洛飾演擁有雙重人格的柯建寧。
周嘉洛飾演擁有雙重人格的柯建寧。(圖片來源:《新四十二章》預告截圖)
新四十二章 將江嘉敏綁在床上鞭打。
將江嘉敏綁在床上鞭打。(圖片來源:《新四十二章》預告截圖)

女神大跌watt變仙杜拉

《新四十二章》由前年尾拍到去年初,當時江嘉敏為拍劇而剪去多年長髮,被網民指女神大跌watt「完全Carry唔到短髮」、「顏值大減」、「未到三十就滲出師奶味」等等,甚至問她:「係咪致敬仙杜拉?」

新四十二章 江嘉敏 江嘉敏去年底換上短髮新造型,有網民問她是否向前輩仙杜拉致敬。
江嘉敏換上短髮新造型後,曾被網民問她是否向前輩仙杜拉致敬。(圖片來源:IG@kaman_kong)
新四十二章 江嘉敏 為咗一部劇,好犧牲呀!
為咗一部劇,好犧牲呀!(圖片來源:IG@kaman_kong)

暗示因剪短髮被飛

去年江嘉敏同拍拖3年多的電競高層男友Anthony分手,宣布分手前,她先在IG暗指男方嫌棄她的短髮新造型,之後又暗示分手原因是男方出軌。在訪問中被問到和前度Anthony分手是否因為剪短頭髮時,江嘉敏回答:「唔知喎,你真係要問番佢!」

新四十二章 江嘉敏 拍拖三年多四年來經常放閃﹗
江嘉敏與前度Anthony拍拖三年多四年來經常放閃﹗(圖片來源:IG@kaman_kong)
新四十二章 江嘉敏 江嘉敏連日在社交網抒發失戀情感。
分手後江嘉敏多次在社交網抒發失戀情感,更曾發文講到「我知道,你們都會好好的。」疑似暗指男方出軌。(圖片來源:IG@kaman_kong)

重溫江嘉敏負評事件簿:

江嘉敏2017年在無綫劇《親親我好媽》演江美儀大女,純情學生妹形象討好,演技亦大受好評,更憑劇集提名頒獎禮最佳女配角獎,演藝路可謂順風順水,近年卻因負面新聞致形象大跌:

新四十二章 江嘉敏 無綫
當年江嘉敏在無綫劇《親親我好媽》中飾演中六考DSE的女學生,一劇入屋,人氣一度急升。(圖片來源:IG@kaman_kong)

緋聞女王姣盡男拍檔

江嘉敏2018年升呢女一夥王浩信拍《兄弟》,但在赴英國拍《兄弟》外景期間,卻被爆主動姣黐人夫王浩信,即使返港後都頻頻主動聯絡男方。江嘉敏事後在訪問中解釋自己只係太熱情:「其實我已經收斂咗,因為我一直想工作環境開心,所以同咩人都啱傾,老中青乜都傾一餐,乜話題都傾到!」

新四十二章 江嘉敏 有傳英國拍外景期間,江嘉敏姣上王浩信,經常主動獻殷勤,買咖啡都只預對方!
有傳英國拍外景期間,江嘉敏姣上王浩信,經常主動獻殷勤,買咖啡都只預對方!(圖片來源:新傳媒圖片庫)

其實江嘉敏拍攝《兄弟》時,先後同王浩信及伍允龍都傳過緋聞。2017年拍《果欄中的江湖大嫂》時,江嘉敏亦曾被指頻頻向飾演其男友的黃嘉樂放電,網民都狠批她是姣精,好擔心今次周嘉洛都會被她姣到!

新四十二章 17年拍《果欄中的江湖大嫂》時,江嘉敏飾演黃嘉樂女友,馮盈盈則飾演黃嘉樂妹妹,有傳二人同時向男方放電,經常爭風呷醋,不過黃嘉樂當時已有個拍拖多年感情穩定的攝影師女友,定力夠無被姣到。
17年拍《果欄中的江湖大嫂》時,江嘉敏飾演黃嘉樂女友,馮盈盈則飾演黃嘉樂妹妹,有傳二人同時向男方放電,經常爭風呷醋,不過黃嘉樂當時已有個拍拖多年感情穩定的攝影師女友,定力夠冇被姣到。(圖片來源:新傳媒資料庫)

「富貴船P羅生門」後與馮盈盈反目

江嘉敏和馮盈盈曾經情同姐妹,不過自從2020年兩人被拍到與賭王四房公子何猷亨出船P之後,兩人因此反目成仇。當時兩人各執一詞,馮盈盈揚言自己事前不認識何猷亨,是江嘉敏帶自己上船P;可是江嘉敏卻表示三人曾經有過飯局,甚至於IG發文感謝馮盈盈邀請自己去船P,暗示馮盈盈講大話!

新四十二章 幾個女仔本來一齊去船P好開心,不過事後各有各撐,口供亦唔夾,江嘉敏爆料話眾人早已認識出席過飯局,同馮盈盈所講的新相識有出入。
幾個女仔本來一齊去船P好開心,不過事後各有各撐,口供亦唔夾,江嘉敏爆料話眾人早已認識出席過飯局,同馮盈盈所講的新相識有出入。(圖片來源:IG@kaman_kong)

江嘉敏和馮盈盈反目後,有不少網民都力撐馮盈盈,指責江嘉敏咬住對方唔放:「嗰時江嘉敏不停狙擊FYY,成個八婆格出晒嚟,出嚟答記者時又寸寸貢,天生八婆嘅嘴臉遮唔住」、「自從佢同FYY反面之後就唔鍾意佢,佢再扮唔到純情小兔兔,對佢無晒幻想」。

新四十二章 江嘉敏 長達兩小時的活動中兩人完全零交流
早前無綫舉行台慶亮燈儀式,在長達兩小時的活動中,江嘉敏與馮盈盈被發現只相隔兩個身位,但完全零交流,令網民都好奇兩人是否再次不和!(圖片來源:Youtube@TVB (Official) 截圖)

出名係「TVB大喇叭」

何廣沛、郭子豪及奶仔方紹聰在節目中被問到最唔想合作藝人,何廣沛即指有三個女仔,因為:「佢哋講嘢分貝很高,好大聲、好多嘢講、好嘈嘅,呢三個女仔我都合作過嘅,三個都唔想合作,因為真係好煩,拍劇已經辛苦啦係咪?仲要嗶哩巴啦,嘈喧巴閉!」郭子豪和應並以「TVB三大喇叭」來形容,又指她們說話速度快如「Whatsapp 1.5x」﹗當時已有人猜其中一個是江嘉敏,因為何廣沛不只一次公開指江嘉敏好似喇叭咁嘈!

新四十二章 江嘉敏被何廣沛暗指係「TVB大喇叭」。
江嘉敏被何廣沛暗指係「TVB大喇叭」。(圖片來源:IG@kaman_kong)

被封「時裝車禍KOL」

江嘉敏幾乎次次現身大型活動都例牌炒車,因此被封為「時裝車禍KOL」。例如2019年出席《萬千星輝頒獎典禮2020》,當時蜜運中的江嘉敏一身「幸福肥」,卻穿上一襲Bling Bling直間緊身魚尾裙,將其腰間贅肉表露無遺,相當趕客。

新四十二章 江嘉敏 江嘉敏於IG自貼《萬千星輝頒獎典禮2020》的造型照。
江嘉敏曾於IG自貼《萬千星輝頒獎典禮2020》的造型照。(圖片來源:IG@kaman_kong)
新四十二章 江嘉敏現晒粗腰肥pat。
江嘉敏現晒粗腰肥pat。(圖片來源:TVB截圖)
新四十二章 江嘉敏 江嘉敏出席《周年慶典節目巡禮2022》的一身造型被指顯肥又老氣。
江嘉敏出席《周年慶典節目巡禮2022》的一身造型被指顯肥又老氣。(圖片來源:IG@kaman_kong)
江嘉敏 新四十二章 剪短髮後更被指似師奶,就算露埋長腿都救唔返!
剪短髮後更被指似師奶,就算露埋長腿都救唔返!(圖片來源:IG@kaman_kong)

睇埋《新四十二章》預告:

《新四十二章》由30/1起逢星期一至五晚8:30PM在翡翠台播出!

撰文:東方新地圖片來源:《新四十二章》預告截圖、IG@kaman_kong資料或影片來源:原文刊於東方新地