披荊斬棘2︳3大精華 香港藝人扮fd被督爆 溫兆倫無人氣 吳卓羲極濃TVB味
廣告
近日內地綜藝節目《披荊斬棘2》開播，備受熱討。節目邀請咗劉愷威、陳小春、杜德偉、林峯、吳卓羲、周柏豪、溫兆倫、曾比特等多個香港藝人參賽，而最新一集，完成第一場公演後，其中一位香港藝人，因比賽中人氣度最低而慘被淘汰，除此之外，節目仲有唔少精華位，一文細數3大精華！
iPhone 14香港幾時出詳情
劉愷威初嚟時，見到同為香港藝人表示好高興，有熟悉感（圖片來源：youtube＠China HunanTV Official Channel 湖南卫视芒果TV官方频道）
香港藝人被質疑「成班喺度扮fd」
首集眾香港藝人都聚在一起，感覺關係非常不錯，喺舉辦首個宿舍活動「時尚王大賽」時，仲一齊惡搞周柏豪、溫兆倫。不過去到真正分組比賽時，就立刻分道揚鑣，就連最老友的吳卓羲、林峯都分開搵人組隊，即被質疑「成班扮fd」！
網民：吳卓羲一開口就知佢嚟自TVB！
去到吳卓羲任賢齊組時，因4人都識唔同地方的方言，主持人叫4人試以唔同方言問觀眾「你食咗飯未」，任賢齊率先以閩南語示範，後來到吳卓羲，吳卓羲則表示粵語唔會講食咗飯未，會講「煮碗面俾你食」，吳卓羲一講完，全場反應靜咗，唔知係聽唔明定點，任賢齊立即幫忙解釋翻譯，然後吳卓羲就借機flirt觀眾「你做麵給我吃？來吧」打圓場。唔少觀眾睇完之後表示「一睇吳卓羲就知佢嚟自TVB」，因為TVB的劇集中，「煮碗麵俾你食」正正係TVB的劇集金句，亦因此被網民細數過到底煮咗幾多年麵！
溫兆倫首個公演即被淘汰 人氣最低
公演後，最低人氣度的組別就需要淘汰當中人氣度最低的2位成員，溫兆倫組就係最低人氣度，位於第8名。後來揭曉淘汰成員時，溫兆倫組中，溫兆倫亦係當中人氣度最低的成員，32位參賽者，排31，成為首個被淘汰的香港藝人。唔少香港網民都認為溫兆倫「兩面不是人」，北上後都係未能獲得內地網民的喜愛。
披荊斬棘2香港藝人被質疑喺度扮fd？
首集眾香港藝人都聚在一起，感覺關係非常不錯，喺舉辦首個宿舍活動「時尚王大賽」時，仲一齊惡搞。但去到真正分組比賽時，就立刻…詳情請看
首個公演中淘汰了那位成員？
公演後，最低人氣度的組別就需要淘汰當中人氣度最低的2位成員，溫兆倫組就係最低人氣度，位於第8名。後來揭曉淘汰成員時…詳情請看
圖片來源：youtube＠China HunanTV Official Channel 湖南卫视芒果TV官方频道
