戀愛真人騷「男女混睡」 尺度太大男嘉賓不能接受

節目主打「尺度大」

上年播出嘅《單身即地獄》一推出就引來大量關注成為熱話，到咗今個夏天，韓國又推出新型戀愛真人騷《伊甸園：本能的後裔們》，節目組聲稱尺度大到觀眾無法想像。節目第一集就上演養眼嘅沙灘躲避球戰，而且幾位嘉賓之間嘅對話都十分勁爆。而到第二集節目組竟然加推「男女混宿」瞓覺，大尺度嘅內容連其中一位參加者李勝宰都感到不滿，由於工作人員喺事前並前無告知會進行「男女混宿」，佢感到唔受尊重，直接喺鏡頭面前行入房間將麥克風拆掉並表示：「這是在開我玩笑嗎？我現在非常想要走人！」

無法接受節目嘅尺度

由於工作人員並無告知李勝宰節目嘅尺度，就算李勝宰喺節目中有好感嘅對象都唔願意喺見一日嘅情況下共睡，並理性回答到：「在床上可以有更進一步的聊天當然是好事，但我反而不想太快跟喜歡的人睡在一起，因為有點太處於毫無防備的狀態之下。」不過喺經過工作人員嘅說服之後，李勝宰重新整理心情面帶笑容同其他參加者表達歉意，而其他參加者都安慰佢：「該說的還是要說出來」。節目播出後即刻引起大量爭議，認為無事先告知確實會唔舒服同生氣。

即睇！