思家大戰丨嘉賓答錯問題 李思捷一句令全場氣氛極尷尬(有片)

思家大戰丨家庭觀眾隊俾錯答案李思捷反應被指勁大壓力！

昨晚（9日）《思家大戰》最新一集搵嚟「中音五強」對家庭觀眾隊「TimTim Team」，節目事先會準備詢問過100位民眾的問題，熒幕會整合出最多人答的答案，隊伍中隊員分別回答，答啱晒就為之贏。節目尾段時其中一個問題就係「你噴香水會噴喺身體邊個部位」，由家庭觀眾隊「TimTim Team」回答，第一個隊員答咗「手」，但後來第3位隊員再答「手臂」，因答案係重複，李思捷即時望一望熒幕，明顯表示「手臂」係重複的答案，現場都有觀眾發出笑聲。李思捷再次確認隊員答案，點知該隊員都非常堅定，李思捷再次問係咪唔會改「肯定到不得了，打死都唔會改？」該隊員亦再次表示唔會改，李思捷就表示「好，咁我再問你一次，如果你真係咁堅持，你再堅持多一次」，結果該隊員都係答返「手臂」，當時氣氛尷尬，旁邊的隊員唯有拍手當作鼓勵。李思捷一臉無奈走到該隊員旁邊，叫佢望一望個熒幕，該隊員先察覺到原來手應該係已包括埋「手臂」呢個部位，最後改為「腳踝」。唔少觀眾睇完呢幕覺得李思捷反應令該隊員好大壓力，而且氣氛變得尷尬。

一齊睇吓連環截圖：

思家大戰丨網民意見兩極：李思捷搞到好尷尬vs已經盡幫

唔少觀眾睇完覺得李思捷可以直接提醒該嘉賓答錯，而唔係不斷重複咁問佢要唔要改，搞到場面氣氛好尷尬，仲表示隔住個mon都feel到李思捷嗰份壓迫感，見到個嘉賓苦笑睇到好辛苦，完全唔係綜藝show的感覺「個節目做到迫大家夾硬笑」「李思捷都做唔到steve個種感覺，問的問題又唔可以好似美國咁大膽，仲要成日扮美式口音講「survey said」「根本無氣氛 又唔知佢做緊咩，重覆再重覆一個問題」「成日想學人哋美國節目點知自己又唔好笑」！不過有觀眾就表示覺得李思捷喺唔可以直接話佢知佢答錯的情況下，算係幫個嘉賓盡兜。

一齊睇埋節目其他精神片段：