愛回家｜7.21抽威威水抽得勁足 組男團「super market」除罩後唔見得人？
廣告
《愛回家之開心速遞》可謂TVB劇集中風格都較大膽的劇集，經常抽水，早前抽完193，又抽Anson Lo，真係非常貼地，收視一直都叫唔錯。早前荃灣豬肉威威劉宋威剛爆紅時，網上瘋傳一張疑似威威拍《愛回家》的照片，傳出進駐TVB斬豬肉的消息，震驚一眾威威豬，不過最後原來係搵Terry（李偉健 ）抽水。昨晚（21日）《愛回家》最新一集終於抽出Terry扮威威的劇情啦！仲有網民認為呢集唔止抽威威水咁簡單，仲抽埋Mirror水？！
Terry扮威威做豬肉分割員抽足水
昨晚最新一集《愛回家》劇情講到Terry參演一部叫《深夜肉檔》的網劇，劇情講述佢係一位歷盡滄桑的豬肉分割員，每晚都喺豬肉檔做樹洞，聽客人的心事。而Terry為咗了解豬肉分割員呢個角色而偷偷地變裝成為一個實習豬肉分割員，而變裝就似足威威的打扮，一頭金髮，仲要特意於手臀上加上紋身。Terry做咗豬肉分割員之後唔小心吸引咗大班師奶嚟打卡，就連《愛回家》的大小姐都要嚟打卡指佢雙眼好動人好有親切感，超受歡迎，抽足威威水！
網民：唔止抽威威水 仲抽埋Mirror?
後來仲有一位唱片公司叫Poca的人嚟搵Terry，邀請佢加入娛樂圈，認為以Terry的人氣食住個勢一定大受歡迎，好快可以去紅館開show！Terry就表示自己唔識唱歌，Poca就話出唱片唔駛識唱歌，「到時有人幫你調音，最緊要係人氣」仲話佢籌備緊一隊男團叫「super market」，Terry做隊長，埸埸企c位，仲話會紅過最紅的蔥頭！最後Terry都係拒絕咗邀請，而「super market」男團表演除罩每個的樣子都嚇襯fans！唔少網民睇完都好欣賞「今次撐三色台講真話，事實勝於雄辯」「今次又岩woo」「抽得靚講得中point咪讚囉 有咩問題」「佢呢幕又真係貼地」
完整影片：
荃灣豬肉佬威威近期的狀況是?
被譽為「荃灣豬肉AK」的威威劉宋威，自除罩拍廣告後人氣急跌，消失多日的他再次回歸肉檔，早前有指為了避花生友同傳媒而進入室內工作，不過近日疑似再去返「幕前」，一張月頭被捕獲的照片可見，威威一改以往的灰白髮色，改以金髮示人，江湖味十分之濃。…詳情請看
荃灣豬肉佬威威的Fan Page還有運作嗎?
一早就有網民發現「豬肉威威」一向活躍的粉絲群組「荃灣鮮肉威威應援團」對上一個post已經是…詳情請看
圖片來源：《愛．回家》外景拍攝圖，youtube＠TVB (official)資料或影片來源：youtube＠TVB (official)
