《大叔的愛》ViuTV香港版阿牧、阿田網上傳情重溫天台爭仔、錫額頭一幕 Anson Lo：我最後咪返咗屋企囉傻仔~
撰文：八卦妹｜圖片來源：Anson Lo IG、Edan IG、《大叔的愛》ViuTV香港版截圖、劇照
《大叔的愛》ViuTV 1-5集劇透劇情︱黃德斌表白過程浪漫搞笑過原版 Anson Lo帥氣壁咚強吻Edan！
《大叔的愛》ViuTV香港版第三集 KK、阿牧互串爭阿田經典天台一幕超爆笑
阿牧無意之間發現KK翌日將約阿田到「天台午餐」；「天台午餐」當天，KK終於向阿田講述自己是因何事而愛上對方，仲向阿田再次深情講出「係你令我成為童話中嘅主角，我係你嘅灰姑娘，你係我嘅白馬王子」。正當阿田不知如何是好時，阿牧突然出現，仲直斥KK的行為令阿田感到煩惱，阿田眼見阿牧直接用言語衝撞KK，所以就在旁相勸，但阿牧卻不聽反而更直接地講出自己的心聲「我鐘意阿田，你咪使只意搶走佢」。
阿牧隨後更進一步直接地對KK講：「日日煮飯比佢食，餵包佢嗰個係我，我哋同居呀！」KK聽後感不憤，並以數十個優點來反擊阿牧，之不過阿牧就表示「數優點容乜易，數到缺點，呢啲先叫做真愛」，然後就數出阿田10個缺點，還以一句「大叔」回敬KK，最後三人不歡而散。
相關文章：
《大叔的愛》ViuTV 香港版阿牧輕吻阿田額頭冧到爆 網友：錫額頭So Sweet！
Anson Lo網上重提 Edan留言：唔好咁小氣啦！
在《大叔的愛》ViuTV香港版中，飾演「暖男阿牧」的Anson Lo今日（1/7）約7時許在其社交網上載「天台爭阿田」的場景，仲留言：「阿牧生氣了～ 感受到嗎？#整套劇其中一個最深刻的拍攝場口 #記得當刻好大風凍到口都震 #大叔的愛」
當片段上載後，除了旋即吸引到一眾網友留言外，飾演「阿田」的Edan亦有留言：「唔好咁小氣啦！」，Anson Lo看到後即回覆：「我最後咪返咗屋企囉傻仔~」簡直是要閃盲一眾網友。
Edan 網上重溫天台錫額頭一幕 Anson Lo貼嬲Emoji Edan即氹
另一邊箱，Edan就在其社交網上重溫天橋阿牧輕吻阿田一幕，仲留言：「田一雄(混亂狀態)！上司同我表白；朋友同我表白；朋友同上司嘈交；朋友比我激走咗。。。。。嗚呀！！！我知我吸引，但係究竟發生緊咩事呀！(重點: 我明明鍾意大波妹)#Viutv劇集 #大叔的愛 #啱啱先睇返今集」
Anson Lo就在Edan的社交網上留下一個發嬲的Emoji，Edan見狀即耍冧留言回覆：「唔好嬲」！
網友替阿牧感不值 大鬧阿田不懂珍惜
一眾網友看到Edan的帖文後，也有留言發表觀後感，有不少人都替阿牧感不值，紛紛有鬧阿田不懂得珍惜：「喂！你做壞規距啵，拒絕人又唔比大碌牧搬走！」、「人人都想要個阿牧，偏偏你唔要」、「田一雄點解你要咁對呀（阿）牧」、「衰人田一雄！一個愛心飯盒就唔記得照顧你一日三餐嘅阿牧！」
圖片來源：Anson Lo IG、Edan IG、《大叔的愛》ViuTV香港版截圖、劇照
