《哲仁王后》本月必睇爆笑喜劇!中殿懷孕做MAMA!申惠善華麗復仇 同哲宗感情大爆發再不「No Touch」!

電視

廣告

《哲仁王后》由舊年年底播到依家,每集都幾乎大放笑彈,本月即將迎來大結局,劇情更峰迴路轉,31日晚播出第15集,講話太后知道「中殿MAMA」金素容(申惠善飾)暗中協助哲宗(金正賢飾),而有意毒殺金素容,但就被小宮女破壞,太后一怒之下就將小宮女賜死…

《哲仁王后》本月必睇爆笑喜劇!中殿懷孕做MAMA!申惠善華麗復仇 同哲宗感情大爆發再不「No Touch」!

撰文:HM|圖片來源:黃Viu煲劇平台、《哲仁王后》截圖、劇照|影片來源:黃Viu煲劇平台、YouTube

《哲仁王后》
《哲仁王后》

《哲仁王后》成跨年古裝穿越爆笑喜劇

《哲仁王后》由舊年12月12日喺韓國tvN,香港黃Viu煲劇平台同步播放嘅週末連續劇,劇集改編自大陸網劇《太子妃升職記》,《花郎》尹成植導演與《監獄醫生》朴繼玉編劇合作打造,並由申惠善、金正賢、崔振赫擔任主演。

《哲仁王后》申惠善、金正賢
《哲仁王后》申惠善、金正賢

 

《哲仁王后》劇集主要講述生活在現代的青瓦台主廚張奉煥(崔振赫飾),因一次意外,靈魂竟然穿越到朝鮮時代哲宗(金正賢飾)嘅王后金素容(申惠善 飾)體內,令原本端莊優雅的「中殿MAMA」變得非常麻甩,自此與哲宗(金正賢飾)之間發生連串笑料。

《哲仁王后》金素容(申惠善飾)
《哲仁王后》金素容(申惠善飾)

 

《哲仁王后》平均收視不斷飆升 第15集更成為tvN最高收視劇集第5位

《哲仁王后》將喺今個月14日(即情人節兼大年初三晚)迎接大結局,依家嘅劇情更峰迴路轉,31日晚播出第15集,講話太后知道「中殿MAMA」金素容(申惠善飾)暗中協助哲宗(金正賢飾),而有意毒殺金素容,但就被小宮女破壞,太后一怒之下就將小宮女賜死;金素容(申惠善飾)就極為憤怒,但原來哲宗(金正賢飾)已暗中出手,先將小宮女假死,之後再送出宮,金素容(申惠善飾)知道後心存感激,唔單止二人決定聯手對付太后同奸臣,仲一齊食麵兼感情大爆發再不「No Touch」。

《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
講話太后知道「中殿MAMA」金素容(申惠善飾)暗中協助哲宗(金正賢飾),而有意毒殺金素容,但就被小宮女破壞,太后一怒之下就將小宮女賜死
《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
哲宗(金正賢飾)已暗中出手,先將小宮女假死,之後再送出宮,金素容(申惠善飾)知道後心存感激

 

該集收視平均14.5%,最高峰時更高達17%,除咗係開播以來最高收視之外,亦成為tvN最高收視劇集第5位,排名只係《愛的迫降》、《鬼怪》、《回答吧!1988》及《陽光先生》之後,相信隨著劇集大結局,收視應再會飆升。

《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
「中殿MAMA」金素容(申惠善飾)著到靚一靚咁去復仇

 

《哲仁王后》「中殿MAMA」金素容(申惠善飾)華麗復仇

「中殿MAMA」金素容(申惠善飾)喺劇中揚言要做宮入面最黐線 / 最癲嘅女人,並開始向唔同嘅後宮妃子及「蝦」佢老公哲宗(金正賢飾)嘅大臣逐一展開復仇,而金素容(申惠善飾)首先就係向有意毒殺自己嘅太后著手,到太后拜祭兒子嘅祠堂內揚言,如太后繼續喺背後搞風搞雨,就即刻燒咗祠堂內太后兒子嘅畫像,嚇到太后瞪大雙眼。

《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
金素容(申惠善飾)首先就係向有意毒殺自己嘅太后著手

《哲仁王后》「中殿MAMA」突然作嘔 原來係有咗BB

原本「No touch」嘅「中殿MAMA」金素容(申惠善飾)同哲宗(金正賢飾)早喺第14集就已經「行房」成功,近幾集中,雖然金素容曾多次向哲宗坦白自己喺來自未來嘅男人,但二人嘅感情就愈來愈恩愛,經常大放閃光彈,完全無視旁人目光,甚至再不No Touch。

《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
「中殿MAMA」金素容(申惠善飾)同哲宗(金正賢飾)係書房食宵談心
《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
傾通宵之後仲一齊瞓添,So Sweet

 

最新劇情第16集結尾就講到,「中殿MAMA」金素容(申惠善飾)同哲宗(金正賢飾)喺房內睇書兼調情,當哲宗(金正賢飾)準備錫金素容(申惠善飾)時,金素容竟突然作嘔,愛妻心切嘅哲宗即時叫太醫,點知原來喺「中殿MAMA」有咗BB,消息傳開後,除咗「中殿MAMA」之外,哲宗、崔尚宮、紅燕等人都極為開心。

《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
當哲宗(金正賢飾)準備錫金素容(申惠善飾)時,金素容竟突然作嘔,愛妻心切嘅哲宗即時叫太醫,點知原來喺「中殿MAMA」有咗BB

 

 

《哲仁王后》預告「中殿MAMA」行為受限仲要執行嚴格胎教計畫?

第17集嘅預告中,「中殿MAMA」金素容(申惠善飾)陀B之後,崔尚宮、紅燕就開始嚴格執行胎教計畫,限制金素容嘅行為動作、又唔畀亂食野,搞到金素容幾乎崩潰;而金素容嘅敵人太后,得知金素容懷有身孕後,就放出流言話要傷害肚入面個BB,「愛妻號」哲宗當然會努力阻止,唔會畀任何人傷害到佢嘅妻兒。

 

《哲仁王后》中殿懷孕做MAMA!申惠善華麗復仇 同哲宗感情大爆發再不No Touch!
崔尚宮、紅燕就開始嚴格執行胎教計畫