全民造星5︳88號Philip自稱撞樣MC同多個明星 過份自信被「搣燈」！
全民造星5︳「MC2.0」88號Philip「自信爆棚」
《全民造星》過往幾屆總有幾個「自信爆棚」的參賽者，最後結果都麻麻哋，唔係太有觀眾緣。去到《全民造星V》昨晚（05/17）最新一集又再現「自信爆棚」參賽者－88號Philip。唔知係咪因為未開賽就被網民稱為「攝衫版MC」的Philip，令佢自信心大增，Philip自己都話唔少人大讚佢靚仔撞樣多個明星，如MC、馬國明、王力宏等，佢仲話雖然係咁，但自己唔係「fxxk boy」，疑暗寸MC咁。去到面試時，Philip被問到憑咩比佢入圍時，佢表示除咗佢歌聲同毅力就係自己個樣都ok，仲話係由細聽到大人哋讚佢靚仔，令評判都靜晒音！
全民造星5︳對答寸咀 被評判「搣燈」！
Philip去到比賽時，揀咗MC一首都幾難唱的歌〈小心地滑〉，大騷歌喉。Philip未唱完，評判都好快俾咗3盞藍燈。去到完結時，因為Philip自稱自己強項係「扮型」，Sunny、Edward評判都同樣問到相關的問題，問「扮型」係點解同埋「你覺得自己型唔型？」，Philip即當場chok樣不得止，仲大膽反問返Edward「你覺得呢？」Sunny即寸返Philip你真係做到「扮型」，因為真係扮。而Edward對於Philip的反問都感到不滿，即罕有收返盞藍燈，以示懲戒，教訓Philip有時啲嘢唔係你所控制就要嫌虛啲！
全民造星5︳導師無人想要 最後仲要寸多句
Philip雖然成功順利晉級，但係就無導師想要，陳蕾仲形容Philip「老土feel」，但佢先得21歲，已經有啲老江湖味。最後問到Philip想入邊組導師時，Philip疑似仲寸返評判「如果以扮型嚟計，呀，應該唔好咁講，我係想行一個型格路線嘅，我覺得陳蕾喺呢方面會幫到我多些」陳蕾就心軟覺得Philip都開到口就㩒燈俾Philip入組。
全民造星5︳網民：呢條仔好油膩好x kam！
唔少網民對於「自信爆棚」的Philip都俾負評，認為佢嗰份自信真係搞唔掂「好x有自信」「呢條仔好油膩」「好x kam」「自戀型人格」「最憎依啲自信x」「懷疑佢衰太有自信」「高度似mc?」「個樣咁都有自信那裡來的」「邊x度似mc」不過亦有網民表示「無自信又x有又x」「好似狗毛」「把聲好似含住舊野咁」「真係炒足MC」「睇咗2分鐘已經覺得個格乞人憎」
《全民造星5》入圍名單是？
ViuTV選秀節目《全民造星5》早前舉行優先場，除了MIRROR成員Lokman和ERROR成員肥仔之外，一班導師包括馮允謙、陳蕾等人有份出席。今次94位參賽者在優先場中率先亮相，勁歌熱舞之餘更大唱新歌，ViuTV於社交平台亦公開94位參賽者的造型照以及個人資料社交平台等…詳情請看
