開心無敵獎門人

開心無敵獎門人|首集3大焦點 嘉賓JW王灝兒連環爆大鑊、節目被批極尷尬

電視

廣告

《開心無敵獎門人》可謂香港人的集體回憶,TVB時隔9年再度開拍新一季《獎門人》!由原班人馬回歸,曾志偉、錢嘉樂、阮兆祥、麥美恩之外,仲有吳嘉怡、程浩駿亦加入節目擔任新長老。《獎門人》昨晚(31日)播出第一集,一文睇晒3大焦點位,JW王灝兒不斷爆大鑊成焦點,大玩經典遊戲惹差評!

經典遊戲玩到極尷尬

昨晚播出首集《開心無敵獎門人》,由曾志偉帶領一眾一班長老主持節目,分別邀請咗新劇《痞子殿下》的演員周嘉洛、陳瀅、JW王灝兒、張穎康、朱敏瀚、以及歌手組代表的郭偉亮、陳奐仁、鄭融、連詩雅、姜麗文嚟做嘉賓大玩經典遊戲「搵啖食」、「大電視」、「彈遮遮」「辣辣壽司邊個食」等。不過似乎就唔係真係「橋唔怕舊最緊要受」,唔少觀眾都唔多受落,指由1995年玩到2022年,已經睇到好悶好尷尬,嘉賓雖然都表現落力,但感覺似節目效果,而且有啲笑位連現場觀眾都無咩反應「玩來玩去都係十幾年前啲game」「無聊」「咩年代」「又打和?」不過都有網民表示好懷念「掌門人終於返嚟啦!」

開心無敵獎門人
(圖片來源:youtube@TVB (official))
開心無敵獎門人 嘉賓都唔係玩得超開心
嘉賓都唔係玩得超開心(圖片來源:youtube@TVB (official))
開心無敵獎門人
(圖片來源:youtube@TVB (official))
開心無敵獎門人
(圖片來源:youtube@TVB (official))
開心無敵獎門人 現場觀眾都無乜反應
現場觀眾都無乜反應(圖片來源:youtube@TVB (official))

JW王灝兒爆陳瀅大鑊

玩經典遊戲「大電視」時,痞子殿下一組由JW同張穎康負責做動作,周嘉洛、陳瀅、朱敏瀚負責估,當顯示其中一個詞是「方力申」時,JW大爆「你上次同佢Flirt,佢話要飲…」陳瀅當時即刻呆咗表示唔知邊個,隔離主持人已經不斷通水話「游水好叻嗰個」JW仲話埋係Stephy,陳瀅仍一面懵然,連字幕組都忍唔住加上「扮傻」兩個字俾陳瀅!

開心無敵獎門人
(圖片來源:youtube@TVB (official))
開心無敵獎門人
(圖片來源:youtube@TVB (official))

JW王灝兒2爆朱敏瀚

當顯示其中一個詞是「余思霆」時,JW立即指住朱敏瀚話係你女朋友,但當時朱敏瀚停頓咗一下先反應過來回答係「余思霆」,在旁的陳瀅突然「o晒咀」。而余思霆與朱敏瀚是於7月27日才宣布分手,而錄影《獎門人》當日是7月4日,難道JW為大家確立2人分手時間?

開心無敵獎門人
(圖片來源:youtube@TVB (official))
開心無敵獎門人 朱敏瀚 朱敏瀚與余思霆2019年合作拍TVB劇集《好日子》後燃起愛火,同年五月公開承認戀人關係。
(圖片來源:新傳媒圖片庫)

完整影片:

常見問題

《開心無敵獎門人》有什麼長老?

TVB時隔9年再度開拍新一季《獎門人》!由原班人馬回歸,曾志偉、錢嘉樂、阮兆祥、麥美恩之外,仲有…詳情請看

《開心無敵獎門人》的現場觀眾有什麼反應?

「橋唔怕舊最緊要受」,唔少觀眾都唔多受落,指由1995年玩到2022年,已經…詳情請看

圖片來源:youtube@TVB (official),新傳媒圖片庫資料或影片來源:youtube@TVB (official)

YOU MAY ALSO LIKE ...