開心無敵獎門人 愛回家

開心無敵獎門人|《愛回家》班底被激讚玩得放 網民:有返以前嗰陣低俗味

電視

廣告

《開心無敵獎門人》可謂香港人的集體回憶,TVB時隔9年再度開拍新一季《獎門人》!由原班人馬回歸,曾志偉、錢嘉樂、阮兆祥、麥美恩之外,仲有吳嘉怡、程浩駿亦加入節目擔任新長老,不過首集播出後評價似乎就麻麻地,唔少網民都話有回憶感,但就無晒新鮮感。而《獎門人》昨晚(31日)播出第2集後,今次有唔少好評,可能因為嘉賓問題,唔少網民都話呢集有返以前的感覺,仲話嗰陣低俗味返晒嚟!

一開場長腿呂慧儀「表演除衫」

《開心無敵獎門人》昨晚嘉賓陣容有「愛.回家之開心速遞隊」單立文(豹哥)、滕麗名、呂慧儀、蘇韻姿及陳浚霆,及「Crazy Runner隊」陳山聰、袁偉豪、黃智雯、胡蓓蔚(豹嫂)及胡諾言。《愛回家》隊一出場,滕麗名就同蘇韻姿突然一齊除咗呂慧儀件衫,搞到連獎門人曾志偉都話嚇襯!原來因為《愛回家》隊有隊衫,所以就以搞笑開場除呂慧儀件衫。

開心無敵獎門人 愛回家 滕麗名就同蘇韻姿突然一齊除咗呂慧儀件衫,搞到連獎門人曾志偉都話嚇襯
滕麗名就同蘇韻姿突然一齊除咗呂慧儀件衫,搞到連獎門人曾志偉都話嚇襯(圖片來源:《開心無敵獎門人》節目截圖)
開心無敵獎門人 愛回家 《愛回家》隊騷隊衫
《愛回家》隊騷隊衫(圖片來源:《開心無敵獎門人》節目截圖)
開心無敵獎門人 愛回家 因為呂慧儀太高,搞到除極都除唔到,場面搞笑
因為呂慧儀太高,搞到除極都除唔到,場面搞笑(圖片來源:《開心無敵獎門人》節目截圖)
開心無敵獎門人 愛回家 呂慧儀今集大騷長腿
呂慧儀今集大騷長腿(圖片來源:《開心無敵獎門人》節目截圖)

網民:以前嗰陣低俗味返晒嚟!

玩「開心無敵搵啖食」時,獎門人故意要豹哥食蛋撻,講笑咁講「你最擅長食蛋撻」,豹哥最後雖然食唔到,但就強調自己「舔到」大家立即笑場!去到玩「開心無敵拍拍拍」時,黃智雯特然大爆特殊僻好!當時蘇韻姿講咗一個名詞係「皮帶」,然後黃智雯竟然講「瀨皮帶」,令眾人嘩然!不過黃智雯解釋原來佢聽錯咗係「皮蛋」,獎門人取笑反問皮蛋都唔會瀨啦!

開心無敵獎門人 愛回家
(圖片來源:《開心無敵獎門人》節目截圖)
開心無敵獎門人 愛回家
(圖片來源:《開心無敵獎門人》節目截圖)
開心無敵獎門人 愛回家 黃智雯「瀨皮帶」
黃智雯「瀨皮帶」(圖片來源:《開心無敵獎門人》節目截圖)
開心無敵獎門人 愛回家 呂慧儀玩遊戲拍到條長腿紅晒
呂慧儀玩遊戲拍到條長腿紅晒(圖片來源:《開心無敵獎門人》節目截圖)

63歲豹哥成MVP

豹哥同豹嫂二人的互動於昨晚一直都為觀眾帶嚟唔少笑位,玩「開心無敵搵啖食」輪到豹嫂時,豹哥突然拎銀包出嚟想收買獎門人問「有無石頭」!唔少網民對於豹哥同豹嫂夫妻2人互動都表示搞笑又羨慕!「好玩得!」「豹哥真係好好笑」「豹哥玩得放好多」「有豹哥好睇好多」「豹哥今集MVP」

開心無敵獎門人 愛回家
(圖片來源:《開心無敵獎門人》節目截圖)
開心無敵獎門人 愛回家
(圖片來源:《開心無敵獎門人》節目截圖)
開心無敵獎門人 愛回家
(圖片來源:《開心無敵獎門人》節目截圖)

常見問題

開心無敵獎門人有多少位長老?

《開心無敵獎門人》由「獎門人」曾志偉率領六位「獎老」,而早前曾志偉曾因確診而缺席一集《開心無敵獎門人》的錄影,由蘭茜暫代該集主持。而六位「獎老」分別包括錢嘉樂、阮兆祥、麥美恩、程浩駿、吳嘉儀、林穎彤主持。

網民對《開心無敵獎門人》有何感想?

《開心無敵獎門人》除咗同嘉賓大玩遊戲之外,仲被網民指節目總有淡淡的「低俗味」!今集都唔例外,玩遊戲「燈燈燈」時,嘉賓需要因應獎門人開出的題目擺上…詳情請看

圖片來源:《開心無敵獎門人》節目截圖資料或影片來源:youtube@TVB (official)

YOU MAY ALSO LIKE ...