林芊妤 COFFEE

林芊妤重提殘廁Gathering事件遭家人冷待 同TVB藝人分手即酗酒

電視

廣告

31歲林芊妤(Coffee)早年經歷「殘廁Gathering事件」及遭TVB解約。她最終憑個人意志走出陰霾,成功創建自己的瑜伽事業,其瑜伽教學片更令她成為百萬YouTuber。早前,她擔任ViuTV節目《晚吹-有酒今晚吹》嘉賓時,透露「Gathering」事件令她的人生走入低谷,但最令她傷心的,是家人的反應,令她相當無助。

撰文:叮叮|圖片來源:Coffee IG、《晚吹-有酒今晚吹》截圖

Coffee爸爸傳統思想覺丟架

Coffee說:「當時唔知點獨自處理,因為家人係好傳統嘅福建人,會話收到朋友message話我好丟架,我爸爸真係咁,令我好hard feeling,覺得全世界話我都好,如果家人企喺自己身邊會釋懷啲,但當時我冇。我覺得自己都冇做錯事點解要走呀?如果走咗就永遠返唔到嚟,永遠抬唔起頭做人,覺得邊度跌低,就要邊度起返身。」Coffee坦言小時候和爸爸的關係不太好,直到自己長大後,才慢慢懂得和父母溝通,更會經常攬實對方。

林芊妤
(圖片來源:《晚吹-有酒今晚吹》截圖)
林芊妤 Coffee在節目中坦言被爸爸的說話所傷。
Coffee在節目中坦言被爸爸的說話所傷。(圖片來源:《晚吹-有酒今晚吹》截圖)
林芊妤 她透露因失戀一度酗酒。
她透露因失戀一度酗酒。(圖片來源:《晚吹-有酒今晚吹》截圖)

日飲一支伏特加

另外,Coffee在節目中亦透露因失戀一度酗酒,憶述當年開始飲酒是由於失戀:「對象係TVB藝人,不過已經離開去咗做獸醫,最後發現佢一腳踏兩船,之後我就搬走咗。因為嗰時一個人住怕鬼,開始每晚飲紅酒,由一兩杯到一支兩支,覺得好貴,決定買支伏特加,開頭飲一杯仔就瞓,後來發展到飲一支。嗰時日頭好健康咁私人教授瑜伽,但夜晚會獨自買醉,好極端咁維持一段長時間。」Coffee笑言當時不少瑜伽學生上堂時都聞到酒味:「好似做完用頭倒立、用手倒立,當你運氣嘅時候,(酒氣)就會湧出嚟!其實人哋睇我,以為我好硬淨,但我唔係,返到屋企就會飲,都維持咗一段好長時間。」她坦言現時因為有囝囝和老公陪自己瞓,不再怕黑,所以亦自自然然戒掉酗酒這個壞習慣。

 

林芊妤 現時Coffee憑教學瑜伽成功闖出一片天。
現時Coffee憑教學瑜伽成功闖出一片天。(圖片來源:Coffee IG)
林芊妤 已是一子之母的Coffee,身型甚fit。
已是一子之母的Coffee,身型甚fit。(圖片來源:Coffee IG)
林芊妤
(圖片來源:Coffee IG)
林芊妤 和圈外老公家庭生活美滿。
和圈外老公家庭生活美滿。(圖片來源:Coffee IG)

常見問題

Coffee瑜伽褲事件詳情?

Coffee近日上傳一系列去拜山的照片,而由於氣溫過高,Coffee穿著輕便的運動裝以及…詳情請看

Coffee如何出聲反擊網民?

Coffee對於一眾抨擊都忍唔住出聲反擊,她解釋當日由柴灣行到山頂凌霄閣,都係做緊運動,仲行到身水身汗,她反問網民…詳情請看

YOU MAY ALSO LIKE ...