全民造星5｜勇敢為自己爭取機會MC的結他手子博 撞樣Marco！
廣告
ViuTV《全民造星V》昨晚（31日）最新一集其中一位參賽者72號的子博又係來頭不小！只有24歲的子博未出道已經為唔少歌手登台彈結他之外，仲喺節目中憑實力獲得藍燈，而且再次令導師Rosa感動落淚！
全民造星5｜72號子博想企喺中間
72號子博未出道已經為唔少歌手彈結他伴奏，如林家謙、MC等，子博更喺MC busking時期已經有一齊表演。喺《全民造星V》面試時用音樂感動到導師Rosa，後來被問到點解想參加《全民造星V》時，子博就表示唔想再留喺舒適圈，因為有一次同MC表演時，完場發現掌聲同尖叫聲都係為咗MC而響起，突然有一種好「虛無」的感覺，覺得呢啲都唔屬於自己，想靠自己一個人的表演都可以獲得呢啲掌聲同歡呼聲。
全民造星5｜表演0燈 勇敢為自己爭取機會
子博的自彈自唱表演未能獲得一盞藍燈，評判亦表示今次都睇得出佢唔係成日自彈自唱，認為佢應該增長自己擅長彈結他的部分，先唔會令自己咁吃虧。子博聽到之後非常勇敢，即刻表示想爭取多次彈結他的機會，結果真係成功爭取到一盞藍燈，仲令導師Rosa感動落淚。喺面試時Rosa已經俾子博搞到眼濕濕，今次真係整喊埋Rosa，Rosa表示都感受到子博內心的矛盾，明明好想企中間令人聽到佢的歌聲，但無奈評判都係要佢彈結他。
全民造星5｜網民：好似P1X3L的 Marco!
網民睇完都鼓勵子博「IU個結他手都出黎做歌手 有料係得」「彈得好好聽」「呢個至少都值一燈啦」而且估唔到子博除咗表演感動人之外，唔少網民仲指幾似P1X3L的 Marco！「係識彈結他嘅Marco」「真係好似marco」仲有網民笑指今集係咁提到MC，好似變咗「全民MC」「唔信抽籤，成集都講MC」「又mc，一集提咗幾多次mc」「mc今集出咗幾多次」「MC出場率高到」
《全民造星5》入圍名單是？
ViuTV選秀節目《全民造星5》早前舉行優先場，除了MIRROR成員Lokman和ERROR成員肥仔之外，一班導師包括馮允謙、陳蕾等人有份出席。今次94位參賽者在優先場中率先亮相，勁歌熱舞之餘更大唱新歌，ViuTV於社交平台亦公開94位參賽者的造型照以及個人資料社交平台等…詳情請看
圖片來源：ig＠marc_ip、《全民造星V》
