漫粉毒L要白滑？ 小丸子多啦A夢北斗齊出mask

早前日本一心堂推出過一系列動漫人物和動物造型面膜，包括《進撃的巨人》mask，玩味濃之餘可以扮靚靚。今個冬天他們再次「玩嘢」，在上月先後推出《One Piece》、小飛俠和怪醫秦博士面膜，驚喜還陸續有來：12月11日再會出《北斗之拳》拳四郎和雷奧面膜、《小雙俠》性感壞蛋多龍芝面膜。而12月22日起就會推出多啦A夢及《櫻桃小丸子》中小丸子和永澤同學面膜。最爆笑當然是永澤同學mask，買來送給男朋友做聖誕禮物，要他扮「洋蔥頭」攬住你看電視，窩心10萬倍！