率先睇 真．醫神首次登陸迪士尼 近矩離同你Balalala！
廣告
老老豆豆，每一套迪士尼動畫小編都有睇，過年套《恐龍大時代》我係有感動到眼濕濕的，《玩轉腦朋友》勁鍾意阿愁！不過講到最最最鍾意的一套，我會選擇《大英雄聯盟》，我好冧醫神（Baymax），肥嘟嘟，白雪雪，腳短短，漏氣黐膠紙那一幕最搞笑，人人都想好像阿廣一樣，有個醫神陪住！
恨到了~~恨到了~~香港迪士尼為慶祝10週年及「迪士尼花蛋節」（不是做大戲的花旦，是復活蛋啊！），特別邀請了醫神到臨迪士尼樂園，同大家近距離接觸，大家除了可以摸下他，攬下他外，重可以跟他做個招牌「Balalala~」擊拳動作，嘩~~想起都興奮！小編今日同大家一樣未能去到樂園會一會醫神（只有2位爛玩女記者去了~~嗚~~），但她們都「做到嘢」拍了片給你們先睹為快，保證全港率先睇！
text – singh（ig：stanleyeahhh） photo – Mandyman、Hong Kong Disneyland
難得有真．醫神駕臨，當然要新加大量他的產品，晶荷軒都推出醫神麵包，滿足各位fans。
內容延讀：
小公主蘇菲亞 你唔係唔識吓嘩？
除了醫神，還有一位重量級人物首次登陸廸士尼，她就是人見人愛，車見車載的卡通《Sofia The First》入面的主角小公主蘇菲亞。吓？你不認識她，好打有限了，我可以話你知，她最近走紅程動直迫《Frozen》2位主角，全港所有10歲以下的女生都她，如果你家有裝Disney Channel，她會24小時不停出現轟炸你，完！
小公主蘇菲亞平時愛整下甜品，但都是雞手鴨腳多，這些食品應出自家裡大廚，你家公主見到肯定「相機食先」過你！「影啦嗲哋！望！」
內容延讀：
成班迪士尼人物變身做花蛋
由今日起至5月29日，香港迪士尼樂園為慶祝復活節，舉行一個名為「迪士尼花蛋展」，故名思義，成班迪士尼人物全部變身為復活蛋，沒有中國大戲表演（以為花旦XDD），只有圓碌碌造型，勁可愛。還有大量應節食物，酒店亦有推出期間限定「花蛋」主題房，總之，望見都開心死！
香港迪士尼樂園
查詢：3550 3388
營業時間：10:00am – 8:30pm
網址：www.hongkongdisneyland.com
內容延讀：
