想食正宗意大利Pizza中環有路數！Amalfitana新鋪登場！

May 9 2021

「意大利Pizza」係近年好多人都提起嘅「大勢食物」，剩係加唔加得菠蘿喺Pizza到經已好多人熱話。而近年亦有唔少「正統嘅意大利Pizza」店鋪應運而生，不過市面上意大利Pizza鋪嘅質素都有明顯差別，到底邊到有好食嘅意大利Pizza，而點先可以稱為意大利Pizza？即刻睇睇！

撰文：海月｜圖片來源：新Monday

超人氣正統意大利Pizza登陸中環

好多人嚟講現時更會去追求「正統嘅意大利Pizza」，所以香港現時亦越來越多以此為名嘅鋪頭開幕。不過話雖打住「正統風味」招牌，不過市面上意大利Pizza鋪嘅質素都有明顯差別，當中位於淺水灣沙灘旁嘅Amalfitana一向廣受本地及居港外籍人士歡迎。Amalfitana主打意大利手工Pizza，所用麵糰經長時間發酵，薄餅成品口感軟熟輕盈。

Amalfitana主打意大利手工Pizza，所用麵糰經長時間發酵，薄餅成品口感軟熟輕盈。

招牌不變神還原意大利地道風味

今次佢哋就衝出淺水灣於中環開分店，更以意大利庭院做店鋪主題，以木紋百葉窗配水磨石地板，比沙灘旁主鋪更顯高雅。中環新鋪同樣由意大利大廚Michel Degli Agosti主理，招牌亦係經長時間發酵的鬆軟Pizza，而且Amalfitana食物出品幾乎所有材料都直接來自意大利，供應商更會每星期返貨三次，確保使用食材地道新鮮。另外，中環新店更有限定酒吧小食menu、雞尾酒及深夜薄餅！

意大利Pizza重點原來係…

相比亞洲風味，Amalfitana餐牌上Pizza種類相當簡單，用嘅就只有芝士、蕃茄醬、意式火腿等傳統意大利食材，原來因為「意大利Pizza」最講求嘅就係用新鮮食材、泡製出容易消化嘅Pizza，無其他花巧就係咁簡單。但簡單卻又能成為美味，唔單只靠「新鮮」、「地道」，廚師功架亦非常重要。Amalfitana用上意大利特別訂製嘅Ceky專業煤氣薄餅焗爐，傳熱能力很好而平均，最高溫可達4~500度，對製作出300度的Pizza嚟講足夠有餘。而且Amalfitana所出品嘅Pizza並無指定時間出爐，靠嘅就係大廚經驗及觀察，更會隨Pizza變化放到爐中唔同位置烤熱。