Calbee Plus

Calbee Plus鮮炸薯片首抵港 必食香港限定避風塘味

飲食

廣告

終於等到啦!每次去東京原宿都要朝聖食薯條的Calbee Plus,今日正式登陸香港啦!新Calbee Plus店還有香港限定的「避風塘香辣味」薯片,一定要試!

Calbee Plus海外首發 即炸薯片當手信

text-william photo-billy

今次零食物語Okashi Galleria 聯乘日本Calbee Plus,在香港開設日本海外首間Calbee Plus分店,全店貫徹日本Calbee Plus裝潢,Calbee卡通公仔造型及裝飾隨處可見,加上配色色彩繽紛,未入店都先興奮。新店最注目的是特設透明玻璃開放式廚房,入門即見薯片薯條的生產過程,夠晒新鮮。餐牌熱食凍食都有,如日本人氣no.1的Poterico原味薯條、犯罪感極高的芝士和朱古力醬,連日本都無的薯片配雪糕配搭,真係冒住生痱滋都要食勻。

餐牌上2款Calbee Plus 薯條熱食是日本人氣No.1的Poterico原味薯條及芝士味薯條。外皮脆口,內裡軟綿,薯條拿在手中還是暖熱,真心好好食!

避風塘香辣味薯片+軟雪糕 $38

Calbee Plus薯片可選波浪或平切,各有各捧場客。避風塘味辛香辣,勁度適中,輕易上癮。不過我真心覺得避風塘香辣味要食波浪,因為平切太薄,蘸不上雪糕同吃。btw Calbee Plus個logo睇落似足supreme logo box。#食薯片都要潮

日本3.5生乳軟雪糕+朱古力醬 $32

Calbee Plus 售賣的日本3.5生乳軟雪糕,牛奶味香濃,加上朱古力醬,不用擔心熱氣問題。

首先要炸好Calbee Plus薯片,點先為之好呢?師傅撈起就代表炸好了(廢話XD)。

然後再看着Calbee Plus薯片慢慢經輸送帶送上盤中,有一定程度治癒感。

炸好都先要擺上一會兒,待薯片回復乾身才可食用。

待稍涼後再調配味道,成個過程好像觀看廚師表演。

內容延讀:

咁醜點食姐?醜比頭甜品率先流出

iPhone 7真.實機照流出 堅玩雙鏡頭取名iPhone Pro

日本卡樂B手信?香港都買到

吃完即叫即炸的薯條和薯片還未滿足?走入少少,店鋪更有一大堆零食給你選購,當中吸引力最強大的絕對是日本限定零食專區,如不同口味的堅薯片、香港優先發售的櫻花蝦鹽味蝦片、3款顏色的小町彩色薯條,也別忘記一系列限量版卡通精品。去完真的像去了趟日本一樣,麻煩手信要買足啊!

卡樂B北海道Jaga Pirika輕鹽味三色薯粒 $89/盒(每人限買2盒)

薯條三兄弟個frd——薯條三色粒,同樣用上北海道紅紫白三色薯仔,比薯條更方便入口。

卡樂B櫻花蝦鹽味蝦片 $8

應節新產品櫻花蝦鹽味蝦片,香港優先發售,倒出分量也算多,只售$8,出奇地抵!

一系列卡樂B限量版卡通精品,種類甚多,包括文具、文件夾、手機掛飾、筆記簿、陶杯、杯蓋、公仔等等等,盡在一角之中。

 

1:76宅卡B珍藏版迷你巴士模型 $569

500架宅卡B珍藏版迷你巴士模型,限量發售。

Calbee Plus開店週驚喜禮遇 卡樂B限定薯片免費大放送

為慶祝Okashi Galleria x Calbee Plus概念零食店隆重開幕,店鋪將於3月22至28日大派熱辣辣即炸薯片美食,人人開心滿FUN!

(每日下午1時及6時,每時段送出50杯薯片,先到先得。)

 

Okashi Galleria x Calbee Plus

地址:灣仔皇后大道東200號利東街地下G14-15號(合和中心對面)

YOU MAY ALSO LIKE ...