中秋BBQ想試新嘢?教你5新招包保嫦娥都讚你叻

飲食

廣告

中秋節同BBQ,永遠掛勾,等如過年去拜年賭魚蝦蟹咁,冇人話會悶!但年年都係燒嗰幾味豬牛羊,最多俾你搭多拃魚蝦蟹海鮮,你唔厭,你屋企件「嫦娥」(日哦夜哦嗰個呀!)都話你冇新意,今次教你5招激新秘技,包你喺燒烤場上戰無不勝!

text -william

中秋BBQ 5招傍身冇得輸.com

1. 薯片當炭精 人人話你勁

步驟:首先要有廚房用嘅廚紙,然後將佢捲成卷狀,
用剪刀分開一半,再扭實,最後再點少少油。擺放炭嘅方法最2條直2條橫咁搭成「井」型,可整高幾層都,最後加少少薯片碎上去,然後點火,咁就可以當炭精用喇,方便到呢!

 

2. 膠樽當氣泵 唔使撥鑊甘

步驟:
剪開2個樽身,大約係2/3嘅位置,樽底部份唔要。然後再將2個剪好嘅膠樽拼合,必要時剪多一兩刀作調整,亦可以加少少油作潤滑,我建議揀較平嘅膠樽,例如1L嘅可樂樽就「very骨」!

你敢唔敢挑機?5張係人睇完都想講粗口嘅圖
3. 薯仔同洋葱 可防網黐底?

爐已起,但都唔好咁心急放嘢食上去燒住,因為火未夠猛好容易黐底㗎!掃油本身係好方法,但啲油係咁滴落火爐,搞到個火猛晒,好易燒燶嘢食。教你用薯仔同洋葱抹一下網面,當中嘅澱粉質經加熱後就會形成一層薄膜,咁樣即使係燒魚都無咁易黐底,烤條靚魚俾「嫦娥」,實錫你2啖!

4 . 燒原個芝士 自制Cheese火鍋

呢個方法簡單又勁吸引,只要買件原個芝士擺喺爐邊「焊」溶,愛嚟點牛柳粒呀,丸呀,車厘茄咁,真係惹味到暈!係咪乜芝士都得?我哋請教咗Cheese BB嘅店主,佢話一定要揀軟芝士,例如Brie Cheese、Camembert Cheese同埋Gouda Cheese,通常買一個280g嘅小型芝士就夠2-4人食,唔好浪費嘛!

CheeseBB
地址:觀塘開源道60號駱駝漆大廈3期11樓C室
電話:2153 0638
營業時間:1:30pm-7:30pm

5. 個人有尊嚴 燒烤要磚鹽
最近元朗YOHO MALL新開咗以鹽主題嘅餐廳SALT RECIPES,用上喜馬拉亞山粉紅鹽磚整嘢食,喂!其實拎磚鹽去BBQ都得喎!同芝士一樣,只要「焊」磚鹽,跟手放啲食物上去如茹類呀、海鮮呀咁,咁樣 鹽燒法就唔會食物搶咗食物原本嘅鮮味,又有咸味吊吊味,唉呀!總之就好味啦!鹽磚燒完可再用番,只要冷卻後用布加水抹走磚上嘅污漬咁就搞掂。