蔣志光唔啱用﹗麥當勞全新自助點餐機 無聲落order

好多人話搭小巴唔敢叫落車,唔知有冇人去食麥當勞都係唔敢叫嘢食呢?1個人走入麥記,埋到櫃枱時,突然變成「沉默大多數」(即係失聲),唔使驚!以後會多個新方法點餐。麥當勞上星期靜俏俏地喺九龍塘又一城同銅鑼灣禮頓中心設置咗幾部自助點餐機,點玩?我哋即刻示範你睇。
不過呢部機一定唔啱蔣志光用,因為冇得俾佢埋去玩急口令,又冇得唱歌,麻煩過返去櫃檯慢慢叫嘢食。

text-william photo-william


據說上星期又一城嘅分店已經靜靜地放咗7部點餐機,觸控式屏幕,有中英文顯示,選好餐單後就可以用八達通或信用卡俾錢,最後等嗌號碼攞餐。我哋重特登去到又一城嘅分店睇過,發現分店除咗有機,更已有「Create Your Taste」嘅招牌出現,睇嚟真係可以好似澳洲咁自選自砌最個人化嘅漢堡包喎﹗


其實外國好似澳洲已經有呢種自助點餐機,試行咗好一段時間,可以任意配搭漢堡材料,當然各位重可以發揮飲食創意小宇宙,例如魚柳包走魚柳(學黎明)、漢堡包塊麵包轉成生菜,肉轉蕃茄(健康之選)、孖牛孖芝孖雞孖包(食到孖孖聲)。

據說過兩日,重會正式推出一個全新嘅服務,詳情究竟係點?當然密切留意住《新Monday》報導啦!






麥當勞又一城店

地址:九龍塘達之路80號又一城L2層28號舖食通天旁

電話:2265 8232

營業時間:7:00am-11:00pm

 
內容延讀:

>有趣! 必食薯蛋頭主題Cafe 開店前先睇佢遊尖咀

>可口可樂歌詞包裝 掀全城搵可樂熱

YOU MAY ALSO LIKE ...

There are 3 comments

Add yours
  1. 新Monday / 女神爭捧 IG曬蛋糕相 Lady M無奶油唔好食 - 新Monday

    […] >1個人的浪慢 麥當勞靜靜地自助落單 […]

  2. 新Monday / 睇片幫你揀 邊隻開心樂園 Minions 最好玩! - 新Monday

    […] 好緊張!好緊張!嚟緊星期五起(3/7)食McDonald’s開心樂園餐,就有得跟埋隻超打耳 Minion 機關公仔,共10款,分日推出,你睇定好晒想擁有邊款未?不如我地幫你精選好先!今次嘅10款 Minions 各有造型,真係見到已經想笑,而且每隻嘅機關都會跟番個look,不過由於玩聲嘅佔較大比例,反而一啲玩特別機關嘅,就相對更「得人鍾意」,例如英國御林軍look會操兵、殭屍look會開合個吸血口、柔道兵會使出七旋斬,同埃及look會扭扭pat玩呼拉圈等等,問你死未?咪講咁多,即睇片,睇下有幾好玩先啦!(*正式香港官方款式,可能與真正出街時略有出入) […]

  3. 新Monday / 率先詳盡解構﹗麥當勞新招Create Your Taste 香港10醬全球最多 - 新Monday

    […] >短片教你點用麥當勞全新自助點餐機 […]


Comments are closed.