排隊玩前率先睇 荔園5大最最最懷舊玩意

荔園今日(26/06)開幕啦,各位係咪等到頸都長埋,好想入去睇下有咩好玩,重拾下童年回憶,恐龍屋、叮叮船、綠箭掟階磚、大笨象天奴等等等等。唔使慌,今日我哋搶先入場,睇咗有咩玩,然後幫你揀最懷舊嘅5大玩意!

text-william photo-billy, pakho


恐龍屋由鬼屋大變做滑梯,唔使驚,但怕高嘅可以係旁邊抖抖啦。
恐龍屋由鬼屋大變做滑梯,唔使驚,但怕高嘅可以係旁邊抖抖啦。

「瀡」滑梯依家真係比較少機會玩到,公園又唔多見,嚟呢度就有啦。
「瀡」滑梯依家真係比較少機會玩到,公園又唔多見,嚟呢度就有啦。

想當年恐龍屋就係一充滿驚嚇嘅地方,問親人都係話驚到邊尖叫邊衝出,連其實睇到d咩都唔知。以前其實就好似鬼屋咁充滿詭異嘅氣氛同綠色燈,不過依家就變咗一條高5 米嘅滑梯俾遊客「瀡」落嚟。刺激度無以前咁高,不過更加好玩啦!

滑稽恐龍屋

基本資料:恐龍身高 10 米、滑梯高5 米

代幣:4(成人)、2(6歲或以下)


吸蕉大笨象最叻就係食蕉,麻煩大家大大力咁扔蕉俾佢食呀!
吸蕉大笨象最叻就係食蕉,麻煩大家大大力咁扔蕉俾佢食呀!

一入咗荔園城堡就見到嘅大笨象,身影好有以前天奴嘅影子。呢隻全新嘅機械大象,係荔園嘅高科技物。點同佢玩呢?工作人員會派蕉俾你,你就可以餵佢,不過你係要張條蕉扔入佢個口度。幾經辛苦,大笨象食到條蕉,就會開心到眨眼,嗌幾聲,喺個象鼻度噴水,佢patpat重會有便便呢!真係成隻真象咁喎!

吸蕉大笨象

基本資料:身高 4 米及闊 6 米

代幣:1


叮叮船我寫包單都係園中必排長龍嘅景點,如果有快證就好啦。
叮叮船我寫包單都係園中必排長龍嘅景點,如果有快證就好啦。

識得玩叮叮船就知一定要敲個鐘啦,咁先有叮叮味嫁嘛!
識得玩叮叮船就知一定要敲個鐘啦,咁先有叮叮味嫁嘛!

快樂叮叮船

前排荔園主席都自post過自己細個去荔園玩叮叮船嘅相,呢個就100%還原咗當時嘅樣。雖然得6架小船,不過每艘都可以乘坐 2 位成人同 4 位小朋友。船頭設有經典叮叮鐘,記得要敲兩下,就好似學校鐘聲一樣,俾你重拾童真。

代幣:4、2(6歲或以下)

內容延讀:

>去完荔園埋旺角睇快閃minions

>唔好俾佢停!海洋公園玩水夏水禮!


玩豆袋,舊時玩具。 依家做咗人父母嘅朋友仔,都可以教下小朋友玩喎。
玩豆袋,舊時玩具。
依家做咗人父母嘅朋友仔,都可以教下小朋友玩喎。

你見model 一副90後嘅樣子,就知道佢唔太識玩啦。
你見model 一副90後嘅樣子,就知道佢唔太識玩啦。

童年舊玩意

童年舊玩意包括「抓子擒拿手」、「拍拍公仔紙」、「勁射紙足球」、「快手夾波子」四個遊戲。不過論遊戲最高難度嘅一個「抓子擒拿手」,我諗一眾90後都應該未玩過甚至未見過。要單手接二連三咁將三個豆袋接住,識玩,其實唔難,不過你真係要請教下你阿爸阿媽啦。

代幣:各1


入到嚟第一個要玩嘅攤位遊戲(因為最近入口),贏返排香口膠先啦!
入到嚟第一個要玩嘅攤位遊戲(因為最近入口),贏返排香口膠先啦!

同舊時比,中間俗稱「黑洞」嘅細咗,不過想贏奬品?練下先啦細路!
同舊時比,中間俗稱「黑洞」嘅細咗,不過想贏奬品?練下先啦細路!

綠箭香口膠,唔知食番有無記返起舊時嘅回憶呢?
綠箭香口膠,唔知食番有無記返起舊時嘅回憶呢?

經典掟階磚

荔園經典其中一幕,就係掟階磚啦。嚟到都一定會拋下先走,代幣一飛,要落中階磚唔「擲界」先有奬。今年個攤位中間個「黑洞」似乎細咗,唯一不變嘅佢地嘅奬品都重係送香口膠呀!

代幣:1


 

內容延讀:

>去完荔園埋旺角睇快閃minions

>唔好俾佢停!海洋公園玩水夏水禮!

 

荔園當然唔止咁少嘢玩啦!我地繼續check埋其他好玩玩意。

盞鬼碰碰車,當年嘅小朋友,依家玩返都一定回憶。
盞鬼碰碰車,當年嘅小朋友,依家玩返都一定回憶。

碰碰車車上都印有荔園logo,好有feel!
碰碰車車上都印有荔園logo,好有feel!

盞鬼碰碰車

碰碰車想當年應該係最受小朋友歡迎嘅遊戲,上咗架車,橫衝直撞,見車就撞,真係除咗GTA5,不過嗰時邊有得玩姐。今日12 台碰碰車,架架都靚仔咗,不過座位都好似當年咁細,重無咗當時個隻油「火羅」味,玩得重暢快。

代幣:6(13歲或以上)、3(8﹣12歲)


DSC_2590


入到諧趣照相館,你首先要揀套靚衫著先!
入到諧趣照相館,你首先要揀套靚衫著先!

諧趣照相館嘅成品,係咪好有趣先?
諧趣照相館嘅成品,係咪好有趣先?

諧趣照相館

諧趣照相館係荔園全新嘅景點,好有玩味。照相館用粵語長片為主題,館內會擺放兩部舊陣時電影海報設計嘅拍照機,邊套?咪就係「萬佛朝宗」同「如來神掌」,細路你唔係未聽過嘛?影相其實都可以好好玩,俾你做一秒嘅武林角色。

代幣:5


小露寶蛋糕,有齊66隻小露寶,荔園週年慶祝,好有台慶feel!
小露寶蛋糕,有齊66隻小露寶,荔園週年慶祝,好有台慶feel!

明顯呢個小露跳咗制,搵人fix fix 佢好喎!
明顯呢個小露跳咗制,搵人fix fix 佢好喎!

係所屬嘅攤位遊戲就會贏返唔同奬品,例如玩完小露寶就梗係拎佢嘅tote bag 啦!
係所屬嘅攤位遊戲就會贏返唔同奬品,例如玩完小露寶就梗係拎佢嘅tote bag 啦!

 

內容延讀:

>去完荔園埋旺角睇快閃minions

>唔好俾佢停!海洋公園玩水夏水禮!

 

 

魔靈小學一定最多人排隊,雖然要成10個幣,不過為咗俾人嚇親勁嘅,都抵喎!
魔靈小學一定最多人排隊,雖然要成10個幣,不過為咗俾人嚇親勁嘅,都抵喎!

咖啡杯都係好有昔日情懷嘅設施,你媽媽同爸爸拍拖都去過呀!
咖啡杯都係好有昔日情懷嘅設施,你媽媽同爸爸拍拖都去過呀!

室內嘅都有呢個跑馬仔玩,無賭博成分,不過好考你節奏感。
室內嘅都有呢個跑馬仔玩,無賭博成分,不過好考你節奏感。

呢隻唔係兵馬俑,而係荔園第一代嘅旋轉木馬。
呢隻唔係兵馬俑,而係荔園第一代嘅旋轉木馬。

嚟到荔園,騎旋轉木馬都係指定動作。
嚟到荔園,騎旋轉木馬都係指定動作。

食西瓜?呢度似乎有個驚喜食法喎?
食西瓜?呢度似乎有個驚喜食法喎?

 


$680快證 唔使排?

荔園推出咗$680 2人行快證,可用於12處設有快證通道嘅景點,如快樂叮叮船、滑稽恐龍屋、 盞鬼碰碰車、夏日溜冰場、魔靈小學等等。快證包括︰

  1. 快證識別手腕帶兩條
  2. 40個代幣(價值$400)
  3. 荔園紀念品兩份

如果可以唔使點排就入到去玩,每人俾多$140,都抵嘅。


荔園Super Summer 2015

地點︰中環龍和道九號中環海濱活動空間

舉行日期︰6月26日至9月初

開放時間︰11:00am-11:00pm

入場費︰免費

代幣價錢︰$10/個
內容延讀:

>去完荔園埋旺角睇快閃minions

>唔好俾佢停!海洋公園玩水夏水禮!

YOU MAY ALSO LIKE ...

There is 1 comment

Add yours
  1. 新Monday / 率先全程跟 薯蛋頭 為香港首間主題Cafe四圍撲(不斷更新) - 新Monday

    […] >暑假玩埋荔園 兒時回憶返晒嚟 […]


Comments are closed.