【假日好去處系列】時代廣場 高達 展睇展策略

【假日好去處系列】時代廣場 高達 展睇展策略

萬眾期待嘅時代廣場全球限定 高達 展覽「GUNDAM docks at Hong Kong II」,終於喺今日(8月1日)就會開幕。開幕典禮喺3:00pm舉行,到時「機動戰士 高達 UC」導演古橋一浩Kazuhiro Furuhashi ,同埋「機動戰士 高達 UC」著名日本男聲優內山昂輝Koki Uchiyama都將會出席同大家見面。喺開幕禮,RX-78 高達 、紅彗星MS-06 II 馬沙專用紅渣古、MSN-100百式、Z 高達 、 高達 聯邦軍同自護軍成員都會列陣同大家影相留念,有時間快啲過去啦!(所有見面會、簽名會、展覽日期時間資料都喺本文最後一頁)

喺所有儀式結束之後,全部展場就會喺6:00pm正式開放俾公眾參觀。我哋而家就率先為大家預告展場有咩睇。

text & photo-Jessie

今次展覽,係為慶祝BANDAI 模型35周年。最大亮點當然係早前我哋都有為大家直擊組裝過程擺喺露天廣場、全球最大聯邦軍1:3 RX- 0 Unicorn Gundam獨角獸 高達,同埋2樓展場掛住咗隻低飛嘅1:3 9.8米高 Wing Gundam飛翼 高達

Unicorn Gundam獨角獸 高達 到今日都重係圍住布,今日開幕禮上先至會為佢揭幕。
Wing Gundam真係飛得好低,企喺下面同佢selfie就最正,不過要留意唔好企喺扶手電梯前影,阻到上嚟嘅人好危險。
Wing Gundam真係飛得好低,企喺下面同佢selfie就最正,不過要留意唔好企喺扶手電梯前影,阻到上嚟嘅人好危險。

至於早前擺喺鐘樓上嘅巨型3米闊綠色渣古MS-06F II,因安全理由,已經搬番落地面。擺咗落嚟,大家就可以好近距離咁欣賞同埋同佢合照啦!

好喇!呢啲可能大家呢幾日都睇到爛,講下展覽嘅其他重點。時代廣場今次邀請到著名日本 高達 機械設定師Hajime Katoki老師喺地面露天廣場鐘樓旁舉行藝術展,佢嘅作品更係首次喺日本以外地方展出,包括手稿、機械模型等,由Katoki老師設計全新嘅高達造型設定,以及2米高獨角獸高達塑像都會喺展場度欣賞到。

 

內容延讀:

今週$0飛日本!着浴衣玩轉 PMQ沖繩夏祭

想知佢哋用咗咩唇膏? 韓劇唇妝 大公開

喺2/F大堂,除咗有Wing Gundam飛翼 高達 之外,重有4組由 高達 粉絲精心製作嘅 高達 模型情景櫃,所有都好精細,要俾啲時間駐足欣賞。

展場內重有聯邦軍阿寶所駕駛嘅RX93 高達 (Nu Gundam)1:13D立體繪圖,大家可以登上Nu Gundam嘅1:1手掌上面影相。

而Nu Gundam旁邊重有佢嘅宿敵沙煞比1:1 3D立體繪圖,大家一定要影埋呀!

商場3樓特設有Pop-up Store,BANDAI 更為今次「GUNDAM docks at Hong Kong II」展覽首次推出全球限定模型,包括HGUC RX-0 獨角獸 高達 [破壞模式] Ver. GUNDAM docks at Hong Kong II、RG 飛翼 高達 零式 EW Ver. GUNDAM docks at Hong Kong II, MG RX-0 獨角獸 高達 Ver.Ka [CODE_852]、HGBF 熊霸 III Ver.囍 [熊雙喜]、 HGBF TRY爆熱 高達 全彩色電鍍版等等, 高達 迷唔買都應該要去睇下。

 

高達 見面會
日期:8月2至30日(逄星期六、日)
拍照時段: 2:00pm-7:20pm期間,每次20分鐘
MSN-100百式及Z 高達 (8月2、15、16、29、30日)
RX-78 高達 及MS-06 II 馬沙專用紅渣古(8月8、9、22、23日)

 

「機動戰士 高達 UC」導演古橋一浩及「機動戰士 高達 UC」著名日本男聲優內山昂輝簽名會
日期:
8月1日
時間:4:30pm-6:00pm
參加方法:當日於商場內消費滿$1,000以上即有機會參加簽名會活動,名額150,先到先得。

 

時代廣場「GUNDAM docks at Hong Kong II」 高達 展覽
日期:8月1日至31日
時間:10:00am- 10:00pm
地址:銅鑼灣時代廣場

 
內容延讀:

今週$0飛日本!着浴衣玩轉 PMQ沖繩夏祭

想知佢哋用咗咩唇膏? 韓劇唇妝 大公開

YOU MAY ALSO LIKE ...

There are 2 comments

Add yours
  1. 新Monday / 【UC迷系列黑歷史】4系列冷門 高達 一定要知,冇咗佢地就未必有主角機!

    […] >【假日好去處系列】時代廣場 高達 展睇展策略 […]

  2. 新Monday / 【UC迷系列下集】一齊數Z、S、ZZ 高達 背後嘅冷門機!

    […] >【假日好去處系列】時代廣場 高達 展睇展策略 […]


Comments are closed.