今日開售極度邪惡杜如風力推北海道芝士撻

Aug 28 2015

熱辣辣、少少流心嘅半熟芝士撻，有睇杜如風喺《東京攻略》介紹過嘅，都一定睇到流晒口水，重好想試下。而家呢間BAKE嚟到香港開店，於今個星期六（29/08）正式開業喇！杜如風都出嚟同大家介紹，我哋有口福喇！不過俾定心理準備大家先，杜如風之前提過日本店最少要排45分鐘至食度，不過今明放假，排下都唔緊要啦！趁收工前快啲約定朋友一齊去試下啦！

text-william photo-man

杜如風力推北海道芝士撻流心油咁正呀！

早排杜如風先喺佢嘅旅遊節目《東京攻略》介紹過嘅芝士撻BAKE，話都無咁快今日就喺銅鑼灣SOGO開設海外店。BAKE起源自北海道札幌市嘅洋菓子老店KINOTOYA，佢哋嘅半熟芝士撻超受歡迎，2014年2月，老店嘅社長就將芝士撻帶到東京新宿，創出新品牌BAKE，同年尾更開分店，深得食客歡心。

BAKE沿用KINOTOYA嘅自家配方製作杜如風力推北海道芝士撻，軟心芝士慕思以3種芝士配合而成。撻皮係港人悉熟嘅牛油曲奇皮，師傅特別用二重燒製法，令芝士及牛油嘅香氣變得更濃厚，個蛋心流出嚟咁又帶有牛油味，係咪好似「流心油」咁正先？所以一出爐，幾條街都聞到呀，排緊隊嘅你未有得食住，正係辛苦晒XDDD