為指甲扮靚靚
廣告
【Trend’s Like Wind by杜如風】很久很久沒有為指甲扮靚靚了，因為之前玩指甲玩得太盡，自覺10隻指甲都體無完膚，所以想抖一抖，也讓指甲抖抖氣，結果一抖，便已經1年光景了！這天上好友Elaine開辦的Enail，原本是為了drop down我買給她的禮物，怎料：「倫仔，我個客cancelled咗個appointment，不如我幫你整啦！」嘩！Elaine出品，必屬佳品！當然要試啦！
我在,《Instagram》找了一些samples，但都被Elaine否決了：「你啲指甲又圓又短，你個人又咁低能，等我搵啲啱你呢啲短指甲嘅pattern啦！」大師即係大師，她在電話內一碌，不出20秒，便找到令我興奮莫名的pattern：「呢個好吖！簡簡單單，又有啲嘢睇，I like！」結果全程由修甲到畫公仔到修腳甲，足足用了3小時！對我這個完全坐不定的人來說，算是1種挑戰！要靚嘛，不敢「亂郁」！
結果出來的成績：「嘩！夠classy，又夠型格！重要10隻手指甲都唔同髮型，抵我等足3粒鐘！」「冇介紹錯呢？」「我不嬲對你充滿信心啦！」
回到家裏，Elaine messaged我：「喂，你而家手指上多咗10個人，你可以同佢哋吹下水吖﹗」Elaine一向知我是「R」水吹一族，所以才會想起這個提議！「但我覺得應該幫佢哋改咗名先，以防搞亂吖嘛！金色頭髮嗰兩個：1個叫Kurt Cobain、1個叫Brad Pitt，黑色bob頭嗰個叫八両金，另1個梳側邊界的叫風間同學，其他未諗到！」「你都真係得架喇！」「嘩！以後多咗10個friends陪我寫稿喎！幾好吖！不過佢哋有時好嘈，又英又日又廣東話，搞到我啲靈感都走晒！」Elaine沒我好氣：「你食咗藥未呀？」
Enail：2147 0200
text-杜如風
