【Gadget專男】情人節必送玫瑰金

Blogger

廣告

新年假日日出去拜年,忙到無時間買情人節禮物真係人之常情。臨急抱彿腳之下又唔想俾另一半覺得買禮物求其?Beats就幫大家諗埋情人節禮物,推出最新粉紅玫瑰金urBeats及Solo2 Wireless耳機,浪漫得嚟又實用,重可以襯埋手上嘅玫瑰金電話,男生女生都必然心動!

Text – Gadget專男 Photo – 由Beats提供

高效能耐用耳機
urbeats入耳式耳機設計輕便,硬鉻耳機塗層堅固耐用,唔會輕易甩色。當中密封式入耳結構及多耳塞設計可以隔絕外部噪音,令用家可以感受歌手喺錄音室創作時嘅原音聲感。設計中重有懶人必備嘅來電切換功能,即使有電話來電,只須撳個掣就可以輕鬆接聽,無論運動、旅行或每日佩戴聽歌都絕對啱用!

我對你嘅愛同Solo2 Wireless嘅音質一樣
都係唔會變!Beats Solo2 Wireless無線藍牙耳機將音質效果重新調校,提高清晰度,令用家可以感受無線播歌同插線播歌係完全冇分別。而且Solo2 Wireless更可以配對 iPhone、iPad、Apple TV、Apple Watch 等多種裝置,非常user friendly!而且Solo2 Wireless電池最長可用12個鐘,機身外更設有電量指示燈,剩番幾多電一睇就知。

玫瑰金完美配搭
自Apple推出玫瑰金iPhone後,玫瑰金就一直成為女士們最愛顏色。但iPhone始終係一部電話,難以作為配搭衣服之用。今次Beats推出2款玫瑰金耳機,除咗方便實用,大家更可以將耳機當成配飾一部分,無論配搭斯文造型,定係配上粉色系打扮,2款玫瑰金耳機都可以完美配合。

YOU MAY ALSO LIKE ...