MIRROR演唱會丨《全民造星》方方怒插調查結果：真係意外？
廣告
MIRROR紅館演唱會舉行至第四場時發生事故，不幸出現大型意外，兩名Dancer受傷送院隨即演唱會腰斬，其中一位為女團collar Soching男朋友阿mo，現今仍留院，情況嚴重。Mirror舞台事故已過去差不多一個月，不少專家對此進行調查，昨日（24日），康文署專責小組表示調查結果與金屬疲勞有關，鋼索出現問題，原因仍在調查。《全民造星》參賽者同為Dancer的方方，出事以嚟一直關注此事，對於昨日公布的調查結果，方方於ig出story表示不滿！
方方怒插調查結果：真係意外？！
方方昨日（24日）於ig story轉發調查結果表示不滿，直指演唱會舉行至第三天有安全檢查，假若鋼索出現嚴重損耗，當日應該會檢查到，認為安全檢查出現極大問題，並質疑「金屬疲勞」的說法只係為推卸責任及認為並非意外。
「罪孽深重，唔係一句我唔知唔關我事就得」
方方希望有人可以出來嚟承擔責任：「連安裝同原件都有問題，加埋舞台效果，吊上吊落又識轉又剩，邊個話ok可以咁樣用？個mon既使用程度又係邊個決定？開個show主辦/承建商 連機械既安全情況都可以唔知，姐係掉我地幾十個表演者上台搵命每晚同你博一舖？罪孽深重，唔係一句我唔知唔關我事就得，正正就係 點解你會唔知。」
圖片來源：ig＠fongfongfong_
