銀河守護隊3︳終極一戰 7大必睇原因 揭開火箭浣熊身世謎團 ！
銀河守護隊3︳1.銀河守護隊全員出動最後一戰
《銀河守護隊》每一位隊員都極受歡迎，最以嚟到最後一戰的《銀河守護隊3》將會全員結集，包括：星爵Peter Quill (基斯柏特Chris Pratt)、嘉魔娜Gamora (素兒莎丹娜Zoe Saldana)、達拉斯Drax (戴夫巴蒂斯塔Dave Bautista)、火箭浣熊Rocket (畢列谷巴Bradley Cooper聲演)、樹人Groot (雲迪素Vin Diesel聲演)、螳螂女Mantis (寶姬曼迪夫Pom Klementieff)和獵布拉Nebula (凱倫吉蘭Karen Gillan)！
銀河守護隊3︳2. 星爵嘉魔娜驚喜重登大銀幕
星爵Peter Quill同嘉魔娜Gamora呢一對絕對係《銀河守護隊》系列中備受觀眾喜愛的一對，一時鬥氣一時又極浪漫，可惜兩人喺《復仇者聯盟3：無限之戰》陰陽相隔。相信有追開《復仇者聯盟》的影迷都會記得，嘉魔娜俾養父魁隆當作係其中一粒無限寶石的祭品，掉咗落懸崖，令星爵傷痛欲絕。但今次，MCU多元宇宙令嘉魔娜於今集重登大銀幕！呢位嘉魔娜係嚟自唔同的時間線，之前係唔未認識星爵，到底這對銀河情侶，最後能否再續前緣？
銀河守護隊3︳3. MCU最頂癮超級英雄團隊 繼續爆笑到尾
《銀河守護隊》自第一集以嚟大獲全球好評，呢個系列出晒名勁爆笑、抵死，但感人度又高。雖然無奇異博士或雷神咁勁的超能力，但係勝在外型性格獨特，默契十足，深受影評觀眾喜愛。自從宣佈今集係鬼才導演占士根執導系列的完結篇，觀眾紛紛表示唔捨得，但都要準備告別銀河守護隊這個大家庭！
銀河守護隊3︳4. 揭開火箭浣熊身世謎團 引發滅團危機
《銀河守護隊》其中一個最重要團員火箭浣熊，終於要爆出其身世謎團，將會係今集重點之一！由得意動物變成憤世嫉俗的戰鬥專家，火箭浣熊身世同佢的朋友仔故事將會逐一揭開，仲可能令銀河守護隊陷入史上最大危機！
銀河守護隊3︳5. 全新無敵級奸角引爆宇宙超強戰
除咗隊員係重點之外，當然仲要留意埋今集的奸角啦！今集將會有兩大新奸角，一位係科學家至高進化者，佢聲稱要改造低等生物，迫使其進化，用不同生物種進行實驗，火箭浣熊BB唔通都係其中一位受害者？呢位瘋狂科學家佢的神聖任務是創造完美社會！而另一位就係首次於MCU出現的漫畫角色亞當術士(Adam Warlock)，佢係守榮星(The Sovereign)女祭司長艾莎(Ayesha) 個仔，女祭司上一集屢次慘敗給銀河守護隊，非常懷恨在心，不惜一切打造比全族更厲害的最強人造戰士亞當，誓要殲滅星爵等人！亞當術士擁有滅世力量，集合不同超強能力於一身，隊員今次點搞好？！
銀河守護隊3︳6.隊員裝備升級樹人變巨大「樹」！
話明係終極一戰，所以銀河守護隊的裝備都會大力升級！大家最愛的樹人「I amGroot」又再成長，變巨大「樹」形已超越一般人類，格鬥Power十足之餘更可攜多把重型槍械，同其他隊員力抗強敵！獵布拉的手臂竟可轉換形態，變成能量炮！？當然其他隊員都會大大提升火力，飛船、武器和招數將會層出不窮，有待大家入場發掘。《銀河守護隊3》爆發連場超激戰，無論係大型豪華特技場面，創新武器戰鬥，迫力埋身格鬥，緊張刺激宇宙追逐戰，鬥智鬥力，必創系列最高峰，衝擊大銀幕觀影感受，真係不容錯過！
銀河守護隊3︳7. 流行音樂元素繼續熱爆全球
《銀河守護隊》系列的大成功，片中音樂和歌曲絕對是不可或缺的元素，星爵自第一集起不離身的Sony Walkman，入面播著母親留下的卡式帶Awesome Mix Vol.1（第一集）和Awesome Mix Vol.2（第二集），裡面的70年代的流行歌曲，令整個系列昇華至另一層次。其中Awesome Mix Vol.1更奪得Billboard 200流行榜冠軍，成為首張精選經典金曲的電影原聲大碟勇奪No.1！
由於星爵心愛的Walkman於第2集中被毀，勇度臨終前給了他一部懷舊MP3機Zune，今集他就會帶著「新機」橫行宇宙！除此之外，第三集的歌單將會橫跨不同時代的經典歌曲，導演兼編劇占士根更表示花了大量心思心力在選曲之中，大家要留意了！
《銀河守護隊3》幾時上映？
《銀河守護隊3》（Guardians of the Galaxy Vol. 3）香港區將於2023年5月3日上映…詳情請看
