網民怒插澳門3宗罪:根本吹大咗、以後都唔會再去!
澳門通關澳門3宗罪丨4個鐘遊客塞到爆交通唔便利
唔少新聞都報導過復活節連假有大量港人去澳門玩,最勁4月5日時,有約5萬人入境紀錄,淨係等金巴都要個幾鐘,前前後後最勁要4個鐘先入到澳門。根據報導成個假期錄得約48.2萬旅客入境,搞到成個澳門湧現遊客,乜都塞到爆,網民就大鬧塞到入澳門,條街都係勁塞,想買小食都要排一個小時多,結果全日都只係不斷排隊。除此之外投訴交通亦非常唔便利,多數只可以搭的士,但截的士亦非常唔容易。
其實澳門都有唔少公共巴士可以選擇,例如公共巴士。當地有唔少公共巴士連接所有熱門景點,單程車資MOP6,不設零錢找換,可以使用澳門版八達通「澳門通」拍卡或現金付費。澳門通空卡MOP30,首次購買須儲值MOP100,在各大便利商店有售。 澳門市內巴士站。
澳門通關3宗罪︳食物勁咸 成街都係牛雜
唔少人都大讚澳門回復返昔日熱鬧,開返唔少餐廳同小食檔俾遊客。但網民就指大熱推介的澳門美食味道都係偏重口味、勁咸,勁普通,而且價錢都唔平。其次就係成街都係賣牛雜,仲要排一小時先買到,排一小時買到的牛雜同香港的無咩分別。
澳門通關3宗罪︳景點唔特別 似北上
網民又踩去到澳門好似返咗大陸咁,好多舊樓等,只係某啲打卡位如大三巴真係算特別。
澳門通關︳意見兩極 一向都係咁 vs 好特別
網民對於事主喺討論區發起的言論表示見怪不怪,指澳門一向都係咁,更指去澳門只適合去玩佢哋的娛樂事業,仲有澳門人都指澳門真係無咩特別「身為澳門人都諗澳門到底有咩咁吸引,嘢貴品質差服務又x,一到假期個個澳門人都寧願返大陸玩,根本唔明點解會吸引到遊客嚟」「老母係澳門人,平時啲所謂好食咩水蟹粥、翅、佢地由細到大食都無食過」「唯一優點:啲車真係會讓人俾佢地過馬路先」。亦有網民大讚好有新鮮感,建築物好有特色好靚,嘢食都好特別「啱啱去完人生第一次澳門,覺得好好玩好正,先唔講氣氛同香港好唔同,淨係街道成日有葡式建築,條路係葡式碎石路 ,已經覺得好新鮮,好有歷史感,感受到果種400幾年殖民歷史嘅特色。然後又可以食下香港無乜嘅葡國菜,緬甸菜、食下紅豆豬手、摩囉雞飯、燒馬介休,夜晚去巴黎人倫敦人,又係另一種體驗,成個行程都好新奇」
網民怒插澳門3宗罪是什麼?
網民怒插澳門3宗罪包括(1)條街勁塞,想買小食都要排一個小時多,結果全日都只係不斷排隊。除此之外投訴交通亦非常唔便利,多數只可以搭的士,但截的士亦非常唔容易;(2) 食物勁咸 成街都係牛雜…詳情請看
網民意見兩極指澳門一向都係咁?
網民對於事主喺討論區發起的言論表示見怪不怪,指澳門一向都係咁,更指去澳門只適合去玩佢哋的娛樂事業,仲有澳門人都指澳門真係無咩特別「身為澳門人都諗澳門到底有咩咁吸引,嘢貴品質差服務又…詳情請看