炎亞綸前度耀樂被爆黑歷史 網民揭5大疑點：根本就想呃錢！

台灣Metoo｜炎亞綸做咗老襯？！

網民搵出耀樂5年前曾po出疑似與炎亞綸的對話圖，當時耀樂剛被爆出不雅影片，現時已刪除。網民分析內容中明顯對方完全不知情，還反問耀樂是怎樣拿到，只有耀樂一直堅持影片不可能是其他人，最後對話圖中對方還問出一句奇怪的句子「這是什麼軟體」。網民仲爆出不雅影片根本唔止一條，認為耀樂只係隨機搵「水魚」，甚至認為影片係耀樂自己爆出嚟，極度質疑疑不雅影片男主角並非「炎亞綸本人」，因為影片中男主角身型與炎亞綸有出入，右手係無痣。影片被爆出後剛好炎亞綸又同耀樂拍過影片就成功做老襯！不過亦有網民搵出炎亞綸手上的確有痣，而且本人都承認咗，就無須再質疑。

台灣Metoo｜網民：想紅的心連路邊阿嬤都知道

唔少網民批評網紅耀樂事隔5年突然爆炎亞綸實在係「太想紅」，事關炎亞綸的回應中有提到2人一直有「斷斷續續的聯絡」同埋「給予彼此支持」，仲喺2022年時搵炎亞綸幫忙一個投票活動，而且炎亞綸都表示作為一個朋友自然會幫忙。再者，耀樂本身表示「目前我的身心狀況沒辦法接受媒體採訪」，結果第2日就火速開了記者會。網民就分析如果耀樂真係咁委屈，唔會仲同炎亞綸以朋友身份繼續聯繫，而且影片中耀樂似乎無佢所講咁完全不知情、極度拒絕「想紅的心 連路邊阿嬤都知道」「這個人出來爆料的心態就是有問題，所以大家的風向才沒有像其他藝人那麼齊」

台灣Metoo｜高中同學爆料：唔係因為影片休學！

抖音網紅耀樂控訴炎亞綸因為流出影片，令佢無法面對學校的閒言閒語、網路尖酸的言語搞到唔敢返學最終「被迫從學校休學」。不過dcard討論區有網民大爆耀樂的高中同學指耀樂並唔係因為流出影片先搞到「被迫從學校休學」，而係因為成日用拎同炎亞綸拍拖的事喺學校到處同人炫耀，跟住又成日唔返學最終被學校退學，學校都有紀錄。

台灣Metoo｜耀樂有前科1 搭車被鹹豬手片刪除

耀樂曾經po出一條搭車疑似被鹹豬手的片，影片中影住一位男性的重要部位，指自己不斷被該男性的「重要部位抽水」，所以拍下證據，不過喺爆完炎亞綸的控訴無幾耐就將貼文刪除。有網民就分析其內文以及拍攝角度，出現很多疑點「文章大概寫下他當時害怕極了整個人愣住 但突然想到他要趕快錄下來給大家看」「如果這名男子是站著走到坐著的耀樂面前 這名男子的重要部位高度 要如何配合到能夠讓坐著的耀樂在面前用手機近距離的拍攝並且不被發現呢 但如果是抱著書包的情況下或許成立」

台灣Metoo｜耀樂有前科2 疑涉桃色交易兼呃錢

炎亞綸前度網紅耀樂爆完炎亞綸大鑊後，疑被人爆返轉頭，仲出晒對話圖！一位台灣網民就喺討論區爆料，指佢的朋友被耀樂呃錢。事源耀樂用ig同當事人講自己需要錢，然後二人決定「約會」，仲傾好價錢，台幣54000約6次，每次約會俾9000，當事人仲表示想當耀樂的長期飯票！對話耀樂中亦ok價錢，俾埋自己的證件對方，對方仲開埋房，不過後來耀樂就要求一次過俾晒54000。2人約會後仲合照一張留念。

台灣MeToo︱網民：耀樂拎咗錢就潛水 呃錢成自然

最後對話中可看到耀樂同當事人似乎開心一日後就消失咗，並無履行約6次的承諾，當事人不斷投訴耀樂自從收咗錢就唔理會佢、唔應機，最後似乎不歡而散，仲話要告耀樂呃佢錢。爆料者亦表示當事人睇到耀樂爆炎亞綸的事，認為佢自己都係一個不守信用的人，直接故意消失咗半年。

13張完整對話圖流出：