死屍死時四十四影評︱4大電影必看重點！黑色幽默道盡港人心聲

死屍死時四十四影評︱4大電影必看重點！黑色幽默道盡港人心聲、演員個個去到盡

死屍死時四十四影評︱全球樓價最城市港人仍然努力上樓

《死屍死時四十四》的故事係講「一棟大廈。一班業主。一條屍體。一晚。盡地一煲。」，反映香港樓價以及香港人面對買樓的態度問題。電影雖然係講「業主為咗自己層樓而搬屍體」的荒謬故事，但卻又如此貼地反映香港人正正面對樓價的問題，唔少港人仍努力上樓上車。根據International Housing Affordability報告顯示，香港已經連續13年成為全球樓價最難負擔城市，即係話香港市民係要不吃不喝18.8年先可以買到樓住。衣食住行本應係人之基本，但買間屋住竟然變成如此艱辛一事，港人面對如此不合理的樓價，雖然係明顯覺得不滿，但仍然欣然接受，電影就細膩地描述呢種荒謬。

死屍死時四十四影評︱大小問題大雜燴 每個角色身份都有意思

《死屍死時四十四》除咗係講樓價問題之外，仲反映唔少香港問題，而同《正義迴廊》有同樣特色，唔同的角色都有代表唔同香港人面對的問題，特別係角色的職業，如余香凝反映空姐一直被連登仔寸係「飛x」的問題，李尚正演出的保安，保安朝見口晚見面，但就一直未能被記住姓名，存在感低，以及鄭中基的士司機等，被港人常寸為「DC9」，網民都大讚電影係將香港大小問題大雜燴。

死屍死時四十四影評︱演員個個去到盡 七情上臉！

《死屍死時四十四》被讚得最多就係演員的演出，指個個去到盡演技大突破，特別係毛舜筠毛姐、楊偉倫、劉江同埋黃文慧飾演的兩夫婦。毛姐今次喺電影狂爆粗，仲有報警一幕「扮發姣」，突破以往一貫形象，網民都讚不絕口！而楊偉倫《正義迴廊》時演張顯宗演得入型入格，今次再次又打破形象，變得幽默搞笑。而最令人深刻一定係劉江同埋黃文慧飾演的兩夫婦，2人的有趣互動，以及不斷講英文，觀眾都指笑爆咀！

死屍死時四十四影評︱《那夜凌晨》x《正義迴廊》

《那夜凌晨，我坐上了旺角開往大埔的紅VAN》係由「Mr. Pizza」所著，喺高登一篇經典連載故仔，而今次《死屍死時四十四》亦係由呢位「Mr. Pizza」編劇，令不少觀察亦覺得當中有份熟悉感。當《那夜凌晨》遇上《正義迴廊》，懸疑離奇黑色幽默故事撞上超越空間限制探討港人問題的導演時，令《死屍死時四十四》更多火花更又多層意義。觀眾都大讚反思性強笑中又帶淚，而且再唔係舊式嗰款「唧出嚟笑嘅喜劇」。