樓價下調！劉青雲郭藹明6000萬入手貝沙灣 網民：樓神入市信號！
廣告
自通關後香港樓市復甦進度不似預期，雖然上半年曾有現「小陽春」，不過下半年能見度低，據分析指預測一般住宅樓價都會下跌0-5%。唔少人暫時似乎都唔打算置業時，啱啱拎咗第41屆香港電影金像獎影帝劉青雲的老婆郭藹明就似乎入手貝沙灣豪宅！
郭藹明6488萬成交貝沙灣豪宅
據消息指一位買家同影帝劉青雲的老婆同名郭藹明，以6488萬成交薄扶林貝沙灣豪宅連車位。該單位為貝沙灣6期8a座高層，4房連工人套房單位，實用面積1741平方呎，實用呎價37266元。
網民：「樓神入市信號」
唔少人對於郭藹明喺大家都睇淡時大手購入貝沙灣豪宅表示係「樓神入市信號」，全因2人一向投資有道！劉青雲同郭藹明曾於2006年以1030萬入手貝沙灣一個1190平方呎的單位，2014轉手即賺1020萬！2015時劉青雲購入一工廈單位，2018年轉手賺134萬。就連現時2人住緊的一間西貢洋房，當時2014年以3,280萬元購入，現時都已經升值不少。
網民都大讚劉青雲真係有眼光！
網民都大讚劉青雲老婆郭藹明真係勁正「個老婆咁鬼聰明又低調 邊度搵」「精明」「買樓戰續，單單贏錢」「方展博即係方展博果然係點金勝手」不過都有網民唔睇好而家上樓「而加買樓？」「人哋有錢輸得起」
郭藹明機械工程學碩士畢業
郭藹明（Amy）中學時就讀於嘉諾撒聖心書院，1991年以美國南加州大學機械工程學碩士生身份參選香港小姐競選，這學歷對當年來說屬十分之高，最後以大熱姿態成為冠軍，更贏得國際親善小姐及最佳談吐幽默獎。曾有傳聞指Amy參選前曾到美國太空總署（NASA）實習，但她公開否應傳言。
夫妻相處之道：講唔該及多謝
劉青雲、郭藹明轉眼結婚已25年多，恩愛有增無減，愛情長久保鮮全因一直相敬如賓。二人92年合拍《大時代》結緣，頂著「最高學歷港姐」銜頭的郭藹明，自2006年便淡出娛圈，甘做劉青雲背後女人默默支持老公。郭藹明受訪時曾透露夫妻相處之道，指她視老公是愛人又是朋友，至今仍會跟對方說唔該及多謝，保持那份感情熾熱。
圖片來源：新傳媒照片庫、《大時代》
