吉野家奇招自救圖翻身!改名賣食材散貨、狂推$88火鍋90分鐘半放題

Article

廣告

吉野家雖然都係「過江龍」,不過近年喺香港嘅人氣真係大不如前。今次香港吉野家為力挽狂瀾、收復失地,估唔到決定推出奇招博翻身!到底詳情係點呢?一眾Mean爆網民又點睇?即刻睇睇!

撰文:海月丨圖片:吉野家、洪明基微博、財經網微博截圖

吉野家奇招自救圖翻身!

繼之前日本吉野家發出財報,宣佈吉野家集團出現鉅額虧損,而香港及中國內地市場表現均十分不理想。今次連代理香港及中國內地吉野家嘅合興集團都中招,面臨鉅額損失,逼使CEO玩埋抖音,但都救唔起個集團,仲俾人恥笑。

網民:中國人不吃這一套!吉野家香港及中國內地市場雙雙失利

吉野家集團於香港及中國內地表現不理想,全年虧損高達75億日圓 ,節合約港幣約5.3億。而代理香港及中國內地吉野家嘅合興集團仲慘,唔單止面對鉅額虧損,股價仲連續插水好幾日,睇嚟「北水」並唔多鍾意食吉野家。

吉野家香港、中國市場雙雙失利!奇招救亡無人理、網民:中國人不吃這一套!
吉野家集團於香港及中國內地表現不理想,全年虧損高達75億日圓(圖片來源:吉野家、洪明基微博、財經網微博截圖)

CEO玩抖音娛賓被嘲笑 無力救起集團

合興集團CEO洪明基見集團2020年表現咁差,都想救救集團。可能佢見微博、抖音喺大陸hit,就想透過玩抖音同微博幫吉野家宣傳下。希望透過自己喺抖音娛賓,拯救集團於水火之中,可謂令人鼻酸!不過,喺結果來睇,CEO玩抖音都係拯救唔到中國內地吉野家,更不幸成為網民間笑話。

吉野家香港、中國市場雙雙失利!奇招救亡無人理、網民:中國人不吃這一套!
合興集團CEO洪明基(圖片來源:吉野家、洪明基微博、財經網微博截圖)

洪明基見「合興集團CEO洪明基」海底撈喺微博上發起「17元食海底撈」活動大獲成功,於是想有樣學樣,更加進取地喺微博上發起「1.7元食吉野家」活動,仲便宜過搭叮叮啊!

吉野家香港、中國市場雙雙失利!奇招救亡無人理、網民:中國人不吃這一套!
中國吉野家舉行過不同優惠吸收顧客(圖片來源:吉野家、洪明基微博、財經網微博截圖)

可憐嘅係,呢個「1.7元食吉野家」活動經過幾日,貼文都只得3個人回覆。見到勢色唔對,CEO都靜雞雞DEL Post。

吉野家香港、中國市場雙雙失利!奇招救亡無人理、網民:中國人不吃這一套!
「1.7元食吉野家」活動經過幾日,貼文都只得3個人回覆(圖片來源:吉野家、洪明基微博、財經網微博截圖)

內地網媒踩多兩腳

內地網媒「財經網」更喺微博上發起「你喜歡吃吉野家嗎?」嘅投票,有3,208人表示喜歡,5,558人表示不喜歡,更有網民直指吉野家這個「洋品牌」過時!

吉野家香港、中國市場雙雙失利!奇招救亡無人理、網民:中國人不吃這一套!
(圖片來源:吉野家、洪明基微博、財經網微博截圖)

菜單十幾年都唔變,而且仲要行高檔路線,冇日本吉野家價格低廉嘅優勢, 中國人不吃這一套!

吉野家香港、中國市場雙雙失利!奇招救亡無人理、網民:中國人不吃這一套!
CEO玩埋抖音,但都救唔起個集團(圖片來源:吉野家、洪明基微博、財經網微博截圖)

今次香港香港吉野家為力挽狂瀾、收復失地,估唔到決定推出奇招博翻身!因為疫情關係,唔少人現時都喜歡購買即食品於家中享月,所以吉野家推出網店並改名為「吉食滙」,於網上開賣多款平價急凍食材,如火鍋牛肉、日式拉麵、急凍芥辣味芝士竹輪、和風牛肉方便包、等,更推出「快閃星期三」,以求快速散貨回本!

(圖片來源:吉野家)
(圖片來源:吉野家)
(圖片來源:吉野家)
(圖片來源:吉野家)
(圖片來源:吉野家)
(圖片來源:吉野家)

 

(圖片來源:吉野家)
(圖片來源:吉野家)
(圖片來源:吉野家)
(圖片來源:吉野家)

另外,除出奇招網店散貨,吉野家更於4間分店推$88火鍋90分鐘半放題,分店包括:荃灣富華中心、屯門康麗花園、沙田第一城中心及沙田金禧花園。$88火鍋90分鐘半放題包括一份吉野家邊爐套餐,之後更可在「自助放題區」任添多款火鍋配料及醬汁,包括:芝士竹輪、魚皮蝦餃、娃娃菜、粟米等,而日本茶及汽水都係任飲!睇落難以回本,可見今次吉野家盡地一舖求翻身!

(圖片來源:吉野家)
(圖片來源:吉野家)
(圖片來源:吉野家)
(圖片來源:吉野家)
網民留言(圖片來源:facebook)
網民留言(圖片來源:facebook)

關鍵詞
吉野家