俄羅斯滑冰美少女Kamila Valieva 年僅15歲成冬奧話題人物個人IG激多靚相

Feb 10 2022

2022冬奧對於香港人嚟講，感覺可能比較陌生，但今屆確實有唔少話題，例如不公平判決、冰壼及特別多美男美女！講起美女，當然不得不提俄羅斯話題滑冰美少女Kamila Valieva瓦莉娃，年僅15歲已經擁有世界級滑冰技巧，最緊要係天生一副甜美外貌，令人一望心動。美少女Kamila Valieva近日於網路界爆紅，我地今次更特別為大家搵嚟佢大量生活照，俾大家慢慢欣賞。

冬奧話題俄羅斯滑冰美少女Kamila Valieva

先講講Kamila Valieva瓦莉娃嘅滑冰技術有幾勁，早幾日於冬奧創下花式滑冰史新一頁，成為首位於冬奧運完成四周跳女子選手，而且更成功跳出兩次，認真誇張。Kamila Valieva突出嘅表現令俄羅斯代表隊以74總分奪得團體賽金牌，而年僅15歲Kamila Valieva瓦莉娃立刻成為體壇話題人物。

原來仲識體操及芭蕾

Kamila Valieva除咗花式滑冰，原來小朋友時仲學過一年體操及芭蕾，當年Kamila Valieva媽媽要求佢喺三種項目中只可揀一個作發展，於是佢揀咗花式滑冰，不過佢都認同因為曾學過體操及芭蕾，令佢於花式滑冰有更出色延展性。

滑冰場外都係大美人

15歲Kamila Valieva瓦莉娃於滑冰場上成為焦點，運動場外同樣係散發耀眼光芒，喺佢個人IG上可以發現唔少私生活照片，平日casual wear嘅佢，絕對唔會比佢著上滑冰造型輸蝕，無論係Tube Top、Cocktail Dress或者簡單一件Knitwear佢都carry得好好，年僅15歲已經咁有fashion sense，相信將有唔少時裝品牌會搵佢做代言人。