7歲仔仔把$6千現金撕成碎紙 母親大崩潰 一眾熱心銀行職員成功還原
廣告
如果你有$6千現金被撕成碎紙，你心情會點？話說最近內地一名婦人，由於其老公因生病而暫時唔可以工作，為了維持生計，婦人將屋企兩隻牛都賣咗而獲得萬多元，但係佢點都估唔到，其實有$6千元人民幣現金（約港幣$7,345元），竟然被貪玩嘅7歲仔仔撕成碎紙，媽媽得知後極度崩潰。而當地銀行得知呢件人間悲劇後，一眾熱心銀行職員將300多塊碎鈔成功還原，更全數兌換成新鈔票俾婦人，獲得網民激讚。
撰文：Janet｜圖片來源：貴州關注、《法證先鋒IV》劇照、《肥貓正傳》劇照
7歲仔仔把$6千撕成碎紙 母親大崩潰
據消息透露，事件中婦人，生活於貴州遵義鳳崗縣，有2名小朋友，分別係9歲及7歲，不幸嘅係均有智力障礙。事件經過係某日上午媽媽帶長子外出，於當日中午回家時親眼見到7歲兒子竟然將該賺回有$6千元人民幣現金（約港幣$7,345元）逐張撕成碎紙，婦人見到後當場崩潰大哭，情況簡直慘絕人寰。
不過考老天有眼，好心鄰居得知事件後聯絡當地銀行協助，而一眾熱心嘅銀行職員將碎鈔裝成一袋，然後拎去銀行處理。銀行行長更憶述當日情況：「銀紙一般都係撕成5到6張碎片，最多都係被撕成8份，而今次合共大概300多張碎片，所以要還原嘅難度相當高。」
好心嘅銀行職員分工合作，決定喺影響日常工作運作情況下幫忙，最終竟然只用咗2日便將所有鈔票還原，最終更全額兌換成新鈔票歸還俾婦人，絕對係好人好事。熱心銀行職員亦稱「兌換殘損幣係銀行工作職責，而且得知婦人家庭具體情況，認為作為銀行更加有義務去幫佢地，解決今次難題，就算OT，只要把客戶事情解決好，我地亦非常欣慰。」
喺呢度，祝婦人一家身體健康，老公早日康復！
關鍵詞
時事新聞台
