松本清

日本藥妝店松本清首香港開店 終於正式宣布地址

Article

日本人氣藥妝店松本清(マツモトキヨシMatsumoto Kiyoshi)向來係港人去日本時必朝聖店舖,而最令人感動嘅好消息係松本清已確認會於香港開首分店,最近更有首分店地址消息啦。香港首間松本清分店選址於銅鑼灣恒隆中心,店舖共有兩層,佔地更有1.4萬平方呎,拍得住日本店。最緊要係松本清新店位於DON DON DONKI附近,雖然大家最近因疫情關係無得返鄉下,但不妨去下香港嘅松本清及DON DON DONKI止下癮先。

撰文:Janet|圖片來源:Japan Travel旅遊網截圖、JobsDB網站截圖、松本清網站截圖、新傳媒編輯部

日本藥妝店松本清首香港開店

港人遊日本時必去嘅人氣松本清藥妝店,其實2019年7月時已宣布將會於香港開設首分店,同日本店一樣,會引入日本化妝品、健康食品等,不過香港人最愛嘅日本藥品,如感冒藥、頭痛藥等,官方暫無公佈會唔會引入。松本清並會於香港成立分公司,早前亦曾於招聘網站刊登請人廣告,包括售貨員職位,但自此就未有更多相關消息出現。

松本清
(圖片來源:Japan Travel旅遊網截圖)
松本清於DON DON DONKI附近開店
松本清於DON DON DONKI附近開店(圖片來源:新傳媒編輯部)

最近終於再有松本清新消息,指首間分店選址銅鑼灣恒隆中心,佔地約1.4萬平方呎,有兩層高,不過確實開幕日期暫未公布,但相信會於短期內發生。雖然疫情底下飛唔到去日本,但近期愈來愈多日本店進駐香港,如DON DON DONKI、日本燒牛丼元祖東京チカラめし(Tokyo Chikara Meshi)等,如果有埋Tokyo Hands或伊勢丹等,咁就更加不得了啦!

松本清
(圖片來源:松本清網站截圖)
松本清
(圖片來源:JobsDB網站截圖)

圖片來源:Japan Travel旅遊網截圖、JobsDB網站截圖、松本清網站截圖、新傳媒編輯部

YOU MAY ALSO LIKE ...