大陸女嚟港旅行住重慶大廈呻大伏原來勁多人因3大原因中招！

Mar 27 2023

位於尖沙咀的《重慶大廈》喺香港一向出名最為「全球化」，皆因內裡聚集不同香港的少數族裔，例如東南亞人、尼泊爾人、巴基斯坦人、孟加拉人、中東人、尼日利亞人以及來自世界各地的遊客等，店鋪通常都係咖喱餐廳、旅店、紗麗服裝店同外匯兌換等。因為咁多同族裔的人聚集，《重慶大廈》喺香港都被港人封為較「複雜的大廈」。近日有內地網民就喺小紅書出警世文，指自己唔小心貪平住進《重慶大廈》！

大陸女貪平香港唔少電影都有嚟《重慶大廈》取景 — 香港唔少電影都有嚟《重慶大廈》取景（圖片來源：《手捲煙》截圖）

大陸女嚟香港玩貪平住重慶大廈呻中伏

近日有內地網民喺小紅書出警世文「來香港，女孩子們千萬不要住重慶大廈」，事主指自己因為貪平嚟香港旅遊住進《重慶大廈》，入到去之後覺得同平日的香港相差甚遠，而且大呻房間超細，叫大家如果預算同想體驗一下先好去，如果唔係特別係女仔千其唔好揀《重慶大廈》。

大陸女貪平內地網民喺小紅書出警世文「來香港，女孩子們千萬不要住重慶大廈」 — 內地網民喺小紅書出警世文「來香港，女孩子們千萬不要住重慶大廈」（圖片來源：小紅書＠王臭門兒）

內地網民入住3大原因：「重慶」一字有親切感

貼文一出，即引起內地網民熱討，好多網民都係因平而入住《重慶大廈》，以為《重慶大廈》喺尖沙咀地段好，但原來喺香港係較「複雜的大廈」，並形容住《重慶大廈》係最驚恐的體驗。亦有網民因為「重慶」一字，覺得特別有親切感，覺得係好嘢就揀咗入住《重慶大廈》。最離奇的分享，係因為睇咗王家衛的《重慶森林》，好想體驗一吓，仲問會唔會有機會見到林青霞、梁朝偉、金城武等。