Macbook Air 2020值得買5大理由!新蚊小編全方位評測  Macbook Air打機得唔得? 價錢值唔值?

Macbook Air 2020值得買5大理由!新蚊小編全方位評測 Macbook Air打機得唔得? 價錢值唔值?

Apple不久前正式推出新一使Macbook Air 2020版本,雖然大家一聽到Macbook Air,都覺得知道係咩嚟。不過到底今次有咩更新點、值唔值得換機?今次就等新蚊小編幫你完整實測,再為大家一一解答喇!

撰文:海月|圖片:新Monday、Apple

Macbook Air 2020值得買5大理由!新蚊小編全方位評測 Macbook Air打機得唔得? 價錢值唔值?

雖然礙於武漢肺炎全球肆虐,Apple亦決定不作現場發布會,改為網上發表。不過亦無阻Apple新產品的推出,早前Apple就再次喺無先兆情況下直接推出2020年全新Macbook AiriPad Pro。雖然再者基本上都係系列更新,而唔係iPhone 3GS變成iPhone 4咁大突破,不過其實新Macbook Air細緻改動亦唔少,以下就為大家講講值得買5大理由!

Macbook Air
Apple就再次喺無先兆情況下直接推出2020年全新Macbook Air及iPad Pro
Macbook Air
一盒配備同樣簡約

 

1:鉸剪式鍵盤

早幾年前Apple開發出「蝶式鍵盤」,雖然當時官方標榜著好多優點,例如:令機身可更薄、更好打等等,不過「蝶式鍵盤」多次出現設計問題,亦有唔少用家對蝶式鍵盤只有「恨」而無「愛」。繼改良咗嘅「鉸剪式鍵盤」喺去年16吋MacBook Pro回歸,今次亦同樣採用「鉸剪式鍵盤」(Magic Keyboard)。

基本上「鉸剪式鍵盤」同平時iMac所用鍵盤設計非常接近,因為鍵距增加,加上增加打字回彈感,令用家打字時感覺更紮實,手感比蝶式鍵盤更佳。快速打字時並唔會讓用家感覺如敲打桌面般生硬,亦唔似平價鍵盤咁黏手。加上「鉸剪式鍵盤」打字時聲音較細,絕對唔會覺得嘈吵,令用家生產力大大提高。其實光係用上「鉸剪式鍵盤」,經已令舊用家心動不已。

MacBook Air
繼改良咗嘅「鉸剪式鍵盤」喺去年16吋MacBook Pro回歸,同樣採用「鉸剪式鍵盤」(Magic Keyboard)。
MacBook Air
鍵距增加,加上增加打字回彈感,令用家打字時感覺更紮實,手感比蝶式鍵盤更佳。
MacBook Air
「鉸剪式鍵盤」打字時聲音較細,絕對唔會覺得嘈吵,令用家生產力大大提高。

 

2:價錢平咗,更強大機能

今次採用最新第10代Intel處理器,比起上代只配備第8代處理器快更多。如果以最基本i3型號來看,以Geekbench跑分單核速度達989,比2018年版MacBook Air嘅i5處理器單核700多跑分,高出接收23%。另外,跟2018年i7處理器嘅13吋MacBook Pro,或2019年16吋i9處理器嘅MacBook Pro比,單核心跑分分數亦非常接近,以價錢嚟比,今次絕對唔比舊世代旗艦機差!

另外,今次Apple更首次於Macbook Air提供四核心i5 CPU俾用家選擇,雙核心版則為i3,為用家提供更大自由度。無論是單核還是多核性能,對比舊款都分別有31%、73%嘅提升,用家日常多任務能力亦表現出色。值得一提嘅係,內存由上一代的LPDDR3 2133MHz升級至LPDDR4X 3733MHz,頻率更快意味著同樣喺8GB情況下讀寫效率更高,甚至超越2019年版MacBook Pro 13吋嘅LPDDR3 2133MHz。

總結一點就係:平咗價錢,打得贏上代Pro嘅怪獸。

MacBook Air
採用最新第10代Intel處理器
MacBook Air
以最基本i3型號來看,以Geekbench跑分單核速度達989

3:超輕便文書煲劇神器

硬件性能有所躍進,不過實際工作操作上又點呢?今次最基本經已配備256GB SSD,比上代MacBook Air或新一代MacBook Pro最基本版本多2倍容量,用家可儲存更多資料,而且價錢亦無改變,變相更抵。雖然換上新鍵盤,而重量亦從之前1.25 kg增至1.29 kg,整體厚度由1.56cm增至1.61cm,不過相對「大牛龜」Macbook Pro或相他品牌Notebook,依然係「輕而強大」。

另外,喺新MacBook Air 2020就算安裝Photoshop作圖像處理,一邊執相甚至開啟多個網頁、同時處理文件等,都唔覺得主機有拖慢、過熱現象。所以如果你平時都係睇網頁、Video、處理文檔,偶爾做啲簡單修圖,性能基本都絕對滿足到你,就算你用MacBook Pro嚟比,其實都無太大差別。

不過如果諗著剪片嘅話,其實基本處理影片亦係可以,效率亦相當迅速。不過如果係大型影片或要好多後製特效嘅話,咁當然用返Macbook Pro比較實在。另外,同上代一樣都只有2個USB Type C端口,刪去咗SD Card插口,所以如果成日需要入相嘅用家就最好買多嗰Card Reader喇。

MacBook Air
就算安裝Photoshop作圖像處理,一邊執相甚至開啟多個網頁、同時處理文件等,都唔覺得主機有拖慢、過熱現象。
MacBook Air
同上代一樣都只有2個USB Type C端口,刪去咗SD Card插口,所以如果成日需要入相嘅用家就最好買多嗰Card Reader喇。
MacBook Air
雖然換上新鍵盤,而重量亦從之前1.25 kg增至1.29 kg,整體厚度由1.56cm增至1.61cm,不過相對「大牛龜」Macbook Pro或相他品牌Notebook,依然係「輕而強大」。

4:怪獸級立體聲喇叭

雖然新Macbook Air 2020只有1.29 kg,同上代重量相若,不過硬件可謂大躍進。唔單只「鉸剪式鍵盤」,今次所用嘅立體聲喇叭亦係相當討人歡喜。同上代相比,立體聲揚聲器加強咗兩倍低音,音量提昇咗25%,喺聽音樂或睇電影、煲劇時,可以有個更好嘅體驗!而且音色立體而實在,同Macbook Pro絕對可以一戰。

MacBook Air
同上代相比,立體聲揚聲器加強咗兩倍低音,音量提昇咗25%,喺聽音樂或睇電影、煲劇時,可以有個更好嘅體驗!

另外最右方喇叭旁有Touch ID,會同新開發嘅Apple T2 安全晶片一齊運作。用家只要將手指放喺Touch ID感應器上,就可以簡單Unlock。而且,亦可以用指紋開啟Apple ID嘅文件、密碼或系統設定,有效保護個人資料,使用上亦相當方便。

MacBook Air
最右方喇叭旁有Touch ID,用家只要將手指放喺Touch ID感應器上,就可以簡單Unlock Macbook Air。

5:大專生優惠難以唔心動

雖然咁多大改進,不過價錢並無因為咁而貴咗。新Macbook Air 2020入門型號由上代接收$9,000嘅價錢,一下減到今次嘅$$7,799,更由128GB SSD提升至256GB SSD,上代用家大概真係會喊。而且今次就算只係i3嘅入門型號亦相當夠用,就算升級到i5四核都只係加$700。最後Apple想買平嘢,梗係搵「大專生」幫手喇!去Apple官網嘅「教育商店」買,最平可以$6,999入手,認真抵玩,比市面好多同效能、重量Notebook都仲要平。

MacBook Air
新Macbook Air 2020入門型號由上代接收$9,000嘅價錢,一下減到今次嘅$$7,799,更由128GB SSD提升至256GB SSD
MacBook Air
去Apple官網嘅「教育商店」買,最平可以$6,999入手,認真抵玩

 

同場加映

ZOOM原來Made in China!?Work From Home神器ZOOM承認有安全漏洞

ZOOM呢個視像會議軟件,因為武漢肺炎疫情大受歡迎,成為唔少打工仔、甚至老師、學生嘅日常用APP。ZOOM每日用戶數量由去年12月嘅1000萬,急增到3月嘅2億。不過日前就爆出ZOOM,存在多個安全漏洞,甚至洩漏用家資料,現時ZOOM在美國受到集體訴訟,訴訟用戶聲稱:ZOOM違反美國加州嘅私隱法,並與Facebook分享所收集得數據。

ZOOM
ZOOM每日用戶數量由去年12月嘅1000萬,急增到3月嘅2億。
ZOOM
日前就爆出ZOOM,存在多個安全漏洞,甚至洩漏用家資料

面對外界聲討,ZOOM創辦人及行政總裁袁征日前透過ZOOM向用戶發表聲明,為近日ZOOM發生問題致歉,並承諾團隊會改善「我們意識到ZOOM團隊沒有達到公眾以及我們本身對私隱和安全的期望」。袁征更指出:ZOOM喺未來3個月內不會推出新功能,並專注修補現時所發現漏洞。同時,會邀請專家及用戶代表進行全面調查,之後將公開調查報告,包括收集了用戶甚麼數據、紀錄及內容等等。

ZOOM
ZOOM喺未來3個月內不會推出新功能,並專注修補現時所發現漏洞。
ZOOM
現時ZOOM在美國受到集體訴訟,訴訟用戶聲稱:ZOOM違反美國加州嘅私隱法,並與Facebook分享所收集得數據。

不過經此一事,唔少ZOOM用戶都紛紛轉呔,希望使用其他視像會議軟件代替ZOOM。其實Google旗下嘅「Hangout Meet」絕對係好選擇,Hangouts MeetGoogle推出經已一段時間嘅視訊功能,亦算係傳統Hangouts嘅升級版。最大好處就係只要你有Google帳號就可以使用,進行視訊會議,不過發起人就需要申請帳號,其他會議成員則不用。

ZOOM
其實Google旗下嘅「Hangout Meet」絕對係好選擇,Hangouts Meet係Google推出經已一段時間嘅視訊功能
ZOOM
只要你有Google帳號就可以使用,進行視訊會議,不過發起人就需要申請帳號,其他會議成員則不用。

YOU MAY ALSO LIKE ...