換機前必睇！iPhone徹底清資料教學

將 Apple ID 移除裝置

大部分人會將一個 Apple ID 連接你所有蘋果嘅裝置，方便共通帳號、相片等等，所以 Apple ID 同 iCloud 都包括咗用戶極大量嘅資料，所以要將唔用嘅舊電話中嘅 Apple ID 移除。

1. 首先進入iPhone「設定」界面，再點擊最上方嘅 Apple ID 名字。

2. 向下拉到最下方就可以見到所有使用呢個 Apple ID 嘅裝置，並點擊移除。

3. 進入移除嘅裝置頁面，點選最下方嘅「從帳戶中移除」。

4. 再點擊「移除」，Apple ID 就會喺舊裝置上登出，iCloud嘅資料就不再同步。

用 Apple ID 網頁版移除蘋果裝置

如果自己嘅蘋果裝置可能已經賣出或回收，唔喺身邊嘅時候，可以透過 Apple ID 嘅網頁版將裝置移除。

1. 首先透過瀏覽器打開「網頁版嘅 Apple ID」網站並登入。

2. 登入後點選左方「裝置」，再從右方點選你要刪除 Apple ID 嘅裝置。

3. 之後會彈出要刪除裝置嘅資訊視窗，拉到最下方再點選左下角「從帳號移除」。

4. 最後畫面會再確認是否要移除蘋果裝置，並會將該款蘋果設備強制登出 Apple ID 帳號。