iPhone 12非蘋果官方更換鏡頭 隨時整壞機 Apple保養換機方法

Apple 產品

廣告

早前有勇士拎部 iPhone 12 挑戰硬度搞到部機出現死亡綠線,然後蘋果又調整咗爆mon過保更換價格,最近再有網站 iFixit 亦爆出驚人消息,話如果使用非蘋果官方更換鏡頭嘅話有機會令到部機出現問題,隨時整壞埋部機,係咪真係咁恐怖?Apple保養換機有乜要注意?

撰文:Odin |圖片來源:Apple|編輯:Easy

 

iPhone 12非蘋果官方更換鏡頭 隨時整壞機

 

 

蘋果加設限制非一日之事

其實自 iPhone 5S 加入 Touch ID 以及Face ID 傳感器等功能後,蘋果就開始加入唔少限制措施,避免手機組件被破解或替換,日前消息指有網民測試將 iPhone 12 鏡頭由A機轉B機即刻出事,包括出現報錯信息、鏡頭變焦、切換及前鏡頭出現問題以及開影相程式即當等問題。其實過往 iPhone 7、8 Plus 亦有類似案例發生,通常都係用家想使用非官方電池或顯示屏方面,鏡頭算係發現新大陸,亦有傳呢步只係開始,相信之後會有更多限制咁話。

 

暫時受限制只有 iPhone 12 ?

由於測試手機為 iPhone 12 ,所以有網民拎部 iPhone 12 Pro 做白老鼠居然發現無問題,但到底係永久定只係暫時性,整體都保持住觀望態度,因為測試過後從 Apple 維修培訓手冊入面搵到鏡頭維修只能透過 Apple Store 或授權維修先可更換,而名單入面正正就有埋 iPhone 12 Pro ,相信後者好快都會加入埋一份,加上近年維修商雖然努力尋持破解方法,但由於零件需要多番連接及經過「安全隔離區處理器(Secure Enalave)」以及Touch Face ID等方式都令第三方業者卻步,因為非官方修理只會令到手機部份功能無法正常運作,到最後會否只係得返拎返原廠修理一個方法?

今年Apple發佈會,推出了什麼新產品?

除了萬眾期待的iPhone 14外,今年iPhone 14 出了新紫色,還有全新AirPods Pro 2以及Apple Watch 8/Ultra/SE,詳情請看。大家在出iPhone 14 時,都可以留意iPhone 的最新回收價

今年iPhone 14有什麼限制?

除了今年iPhone 14 Pro/Pro Max 出了紫色外,在選擇手機容量時,有一點要考慮,就是有一個容量是未能支援4K…詳情請看