iPhone 12偏黃偏綠?新機家下黃色衫又變返著綠色衫?醒你3招驗機救機妙法!

iPhone 12偏黃偏綠?新機家下黃色衫又變返著綠色衫?醒你3招驗機救機妙法!

iPhone 12 偏黃偏綠?唔想部機新買返嚟就家下黃色衫又變返著綠色衫?幾招醒你驗機救機有妙法!

iPhone 12 火熱登場咗都一段時間,近日唔少網友都話部機又黃又綠,搞到佢哋都忍唔住要唱:「佢家下黃色衫,又變返著綠色衫!」到底因乜解究會搞到咁?如果中咗招又點樣救得返部機?就等我醒幾招畀大家。

撰文:Odin |圖片來源:Apple|編譯:海月

iPhone 12偏黃偏綠?新機家下黃色衫又變返著綠色衫?醒你3招驗機救機妙法!

iPhone 12又黃又綠成因由來

就 iPhone 12 螢幕顏色出現偏差問題,網上流言就眾說紛紜,有人話係QC問題亦有人話係正常範圍色差,甚至話未來更新有機會可以搞返好,至於官方客服回應就話係軟件問題導致引起色差,重話只要保持系統最新就冇問題咁話,對於呢類罐頭回應網民梗係唔收貨,追問佢如果更新解決唔到點算?但對方就冇正面回答。其實偏綠問題iOS 13.4及13.5已經出現過,官方證實係散熱問題並於iOS 13.6緊急維修臨時解決,今次再發生令人猜測到底真係軟件定硬件出現問題。

夾返個黃色桌面有冇得救?
夾返個黃色桌面有冇得救?

點樣測試部iPhone 12有冇問題

如果 iPhone 12 機主想測試下自己部機有冇出現以上問題,可以揀選「HDR格式播放」、「畫質設定出現HDR即代表成功」、「將亮度設定至50或100%」、「留意螢幕是否全黑及有冇出現異色情況」。另一個方法就係打開「省電模式」、「用同一亮度播放同一部影片」、「格式自動切換成SDR並且喺畫質設定沒有顯示為HDR即為成功」、「再留意螢幕有冇出現黃綠等異色」。

呢兩個測試伏位記得唔好中
呢兩個測試伏位記得唔好中

iPhone 12最常測試伏位情況

iPhone 12 喺「夜覽」模式底下因為要降低藍光從而減輕藍光對雙眼嘅負擔,手機會喺夜晚切換成暖色系,如果見到螢幕偏黃唔好嚇自己,測試之前記得熄咗「夜覽」模式佢。另外佢旁邊個「原彩」功能都係測試伏位,打開咗之後螢幕都會出現偏色,如果想測試記得熄埋佢。

隻色match晒
隻色match晒

iPhone 12中招點解救

如果你部 iPhone 12 不幸中招嘅話點自行解救?網民就諗到唔少輕手方式自救法,等你部機送檢之前可以嘗試自行解決問題。首先可以「喺設定揀選輔助使用」「顯示與文字大小」再喺「顏色濾鏡」入面自行設定螢幕色彩敏感度,雖然呢招只係治標唔治本,但由於網傳 iPhone 12 拎去整未必有得搞,如果不幸中招唯有暫時用呢個方法解決,好過部機又黃又綠睇壞眼。

YOU MAY ALSO LIKE ...