iPhone 螢幕 iPhone 綠線、綠屏、綠點

iPhone 螢幕出現綠線、綠屏、綠點解決+預防方法!

Apple 產品

廣告

iPhone 螢幕出現綠線、綠屏、綠點? 近期 iPhone 出現死亡綠線問題日益嚴重,網上有唔少用家都呻話佢部機多咗條免費 Barcode 同螢光棒,就算重開部 iPhone 問題依然存在,唔想部 iPhone 出現呢個問題?到底點樣預防避免?如果不幸中招又點樣可以救得返?不妨睇下以下方法幫唔幫到你。

iPhone 螢幕出現綠線、綠屏、綠點?

iPhone 螢幕 iPhone 綠線、綠屏、綠點
網上有唔少用家都呻話佢部機多咗條免費 Barcode 同螢光棒(圖片來源:Apple)

預防 iPhone 硬體缺憾方法

坊間傳聞 iPhone 呢個問題幾乎防不勝防,因為原因出自於硬件缺陷,有傳因為電壓運行出問題導致綠色子像素( OLED )電路故障引起問題,出現時屏幕左或右側會出現垂直綠線,同時亦可能出現一攤白影等,嚴重嘅情況重會擴散開,令到視野嚴重受影響。至於點預防?導致問題最大原因有幾點,避免跌部機令屏幕損壞,呢點係最大機會出現死亡綠線原因。另一個原因就係濕水,兩點盡避可以有效減少綠線、綠屏、綠點出現機率。

iPhone 螢幕 iPhone 綠線、綠屏、綠點
擴散到咁幾乎睇唔到個 mon 有乜(圖片來源:環球膠報)
iPhone 螢幕 iPhone 綠線、綠屏、綠點
網民報稱手機免費變螢光棒(圖片來源:環球膠報)

iPhone 螢幕出現綠線、綠屏、綠點解決方法

假如不幸地你部愛機出現呢個問題又點解決?首先 check 下保養過期未,未過就可以免費拎去換屏幕或硬件,但如果過咗期就唯有自己諗辦法,但用咩方法搞都好,先自行 Backup 咗部機先包無死,雖然坊間都話熄機無助解決呢個問題,但先試呢招無壞,撳實 iPhone 個開關機掣再掃向右關機,如果都係唔得就駁部機去 iTunes 強制重啟設備,再進入恢復模式進行更新或還原,但事前記得先 Backup ,跟住恢復步驟即可。做晒都搞唔掂基本上就係硬件出問題,唯有拎返廠搞。

iPhone 螢幕 iPhone 綠線、綠屏、綠點
check 下保養過期未,未過就可以免費拎去換屏幕或硬件(圖片來源:環球膠報)

常見問題

為什麼iPhone 螢幕會出現綠線、綠屏、綠點?

坊間傳聞 iPhone 呢個問題幾乎防不勝防,因為原因出自於硬件缺陷,有傳因為電壓運行出問題導致綠色子像素( OLED )電路故障引起問題…詳情請看

iPhone 螢幕出現綠線、綠屏、綠點怎麼辦?

先自行 Backup 咗部機先,撳實 iPhone 個開關機掣再掃向右關機,如果都係唔得就駁部機去 iTunes 強制重啟設備… 詳情請看

撰文:Odin|編輯:Easy圖片來源:Apple、環球膠報

YOU MAY ALSO LIKE ...