iOS

iOS 16更新 自動跳過「我不是機械人」問題

Apple 產品

廣告

大家平時搶演唱會飛或者搶波鞋嘅時候,除咗要快速登入戶口之外,往往仲要金睛火眼進行一種超麻煩嘅CAPTCHA驗證身份問題,例如會喺10幾格格仔圖中揀出「斑馬線」、「船隻」或「消防車」等等,或者有時仲要認出一堆變型文字,真心麻煩。不過此舉用意係為左阻止BOT機械人程式搶購物品,但有時真人用家揀到眼盲揀錯之後,想買嘅演唱會飛同波鞋就已經售罄。

iOS CAPTCHA驗證嘅「我不是機械人」
CAPTCHA驗證嘅「我不是機械人」(圖片來源:[email protected] Cloud)

iOS 16令你唔洗再揀到眼盲!

更新到iOS 16嘅用戶未來就唔洗再進行咁麻煩嘅CAPTCHA 驗證,因為Apple已經同相關嘅認證機構講好數,利用咗自家機制跳過咗呢項20年前嘅過時發明。

iOS 喺10幾格格仔圖中揀出交通燈
喺10幾格格仔圖中揀出交通燈(圖片來源:Google截圖)
iOS 有時仲要認出一堆變型文字作身份認證
有時仲要認出一堆變型文字作身份認證(圖片來源:Google截圖)

教你點樣set自動認證

有iOS 16 beta版嘅試用者發現,只要喺「設定」入面進入Apple ID 內嘅「密碼及保安」,然後拉到去最底就會發現一個新選項「自動驗證」嘅功能,打開咗呢個功能之後iOS 就會自動利用iCloud 同網頁進行私密嘅驗證,證明用家「真的不是機械人」,不過前提要基於iOS裝置本身事先進行認證。

iOS 喺「密碼及保安」拉到去最底會發現「自動驗證」嘅功能
喺「密碼及保安」拉到去最底會發現「自動驗證」嘅功能(圖片來源:iOS 16 beta版截圖)

預計今年秋季會更新

暫時依加淨得Public Beta 版提供比 iOS 嘅用户,全新嘅軟件功能將於今年秋季以免費軟件更新方式為 iPhone 8 或更新嘅型號推出。

iOS
(圖片來源:Apple官網截圖)

圖片來源:[email protected] Cloud, Google截圖, iOS 16 beta版截圖, Apple官網截圖

YOU MAY ALSO LIKE ...