傳蘋果新推極限運動版Apple Watch:配備史上最大螢幕
廣告
根據外國媒體報導,蘋果喺下半年將推出嘅新款Apple Watch系列入面會包含一款專門針對運動員而設計嘅extreme sports極限運動版,唔單止配備更加大嘅螢幕、電池容量仲有耐用且具有防撞能力嘅金屬外殼以避免螢幕碎裂。
配備史上最大螢幕
據外國爆料透露,極限運動版Apple Watch會配備有近2吋嘅大螢幕,螢幕面積比起現今最大嘅Apple Watch Series 7再大多7%,而解析度則為 410 x 502,成為史上最大Apple Watch螢幕。Apple會將加大咗嘅螢幕空間用作顯示其他嘅健身數據等內容,爆料者亦表示加強版本嘅Apple Watch會用上更加耐刮嘅螢幕材質、大電池等,比起現今常見嘅鋁金屬外殻版本更加耐用,功能方面有消息指,Apple Watch Series 8 會搭載最新嘅體溫偵測功能,對爬山同游水都有更好嘅追蹤,不過處理器晶片效能就無提升。
價格比起其他運動手錶牌子較為親民
極限運動版Apple Watch嘅外型雖然唔豪華,但根據爆料者嘅預測,價格將會超過$699美元(約$5,485港元),不過對比其他牌子嘅耐用型運動智能手錶價錢相對親民,例如Garmin嘅Epix 2零售價約為$900美元(約$7063港元),Fenix 7S 型號則為$700(約$5,493港元)美元起,不過Apple Watch對比起呢類運動手錶並無辨法做到充電一次就可以用到數星期。
今年Apple發佈會,推出了什麼新產品?
除了萬眾期待的iPhone 14外,今年iPhone 14 出了新紫色,還有全新AirPods Pro 2以及Apple Watch 8/Ultra/SE,詳情請看。大家在出iPhone 14 時,都可以留意iPhone 的最新回收價。
今年iPhone 14有什麼限制?
除了今年iPhone 14 Pro/Pro Max 出了紫色外,在選擇手機容量時,有一點要考慮,就是有一個容量是未能支援4K…詳情請看
圖片來源:Apple網站截圖, Twitter@MacRumors