港男買Macbook發現店員俾錯色 發文怒斥反被網民攻擊？！

有網民在某大型電器舖買M2 Macbook星光色，不過事主購買過程已經覺得店員畀錯色，「趕住買macbook 上堂用，想買m2隻星光色，個sales show比我睇嗰陣都有啲疑惑架啦，已經問過佢兩次係咪星光色，佢兩次都confirm我話係，嗰陣同朋友一齊同埋趕住返屋企無認真check，諗住就算錯咗都會退貨，應該都唔會有心呃我掛」。

事主回家拆盒後，發現機身是銀色而非星光色，「返到屋企發現根本就係銀色機，我懷疑個sales存心呃我，從客觀角度係無乜嘢，但係享受角度真係越諗越火，明明我本身想要個樣嘢但係比人呃咗，仲要條友成手都係粒粒唔知做乜」，事主更在討論區開帖，「提醒大家無咩都唔好去嗰度買macbook了」，亦詢問一眾網民機身顏色是否有錯，不少網民直言根本就是星光色！

正常買Apple產品都會去Apple store買 有網民覺得正常買Apple產品都會去Apple store買，「即係其實蘋果已經開左咁大間鋪都唔去嗰度買」。

有網民最近在同一間電器舖買其他電器，「店員都係畀錯色，去同佢理論，講清楚發生咩事，最好唔好開始用件產品，堅持要換貨」、「睇下張單，會唔會都會寫顏色。如果包裝或者單係星光色，佢畀咗銀色，點都係鋪頭問題，或者…你會唔會認錯星光色同銀」、「對serial number啱唔啱，畀錯色已經事少，黑店偷龍轉鳳就大鑊」。

事主原來搞錯咗！

有網民建議樓主帶Macbook去Apple store比較一下，「買機唔check機真係好XX」、「可能你色盲呢」。事主一直都是純文字討論，一口咬定是店員畀錯貨，網民紛紛叫事主要帖圖：「有圖有真相！」。

最後事主貼出實物照，被網民踢爆指店員根本沒有錯，該部MacBook的確是星光星，只是事主家中燈光問題，令到看上去顏色有色差。眾人狂鬧事主冤枉店員，指責「咁都睇錯驗眼啦」、「去睇眼科啦」、「想睇你去間店嘈然後被人話」、「自己搞烏龍仲怪人」。

事主其後再回應表示「安心曬囉，我要去驗眼，對唔住XXX哥哥，係我誤會咗你，仲火遮眼話你嘅身體問題，唔知你有冇睇到post，好對唔住」。

Apple M2 Macbook星光色

• Apple M2 晶片配備 8 核心 CPU、10 核心 GPU，以及 16 核心神經網絡引擎
• 8GB 統一記憶體
• 512GB SSD 儲存
• 13.6 吋 Liquid Retina 顯示器採用原色調
• 1080p FaceTime HD 相機
• MagSafe3 充電連接埠
• 兩個 Thunderbolt / USB4 連接埠
• 35W 雙 USB-C 連接埠電源轉換器
• 背光精妙鍵盤配備 TouchID – 美式英文