Windows 10瘋狂爆BUG沒落唔係無原因 無限Reboot最嚴重會死機!

應用程式

廣告

近排Windows 10接連出現問題令一班用家極度不滿,BUG問題一單嚴重過一單,之前都係執行某個字串先會出問題,而家直頭利用瀏覽器登入網站都有機會進入無限Reboot輪迴,最嚴重更有機會出現死機情況,情況絕對不容輕視,到底有幾大獲?

撰文:odin | 圖片來源:Reddit

Windows 10】無限Reboot最嚴重會死機

其實Windows 10出現問題都唔係近排嘅事,網傳次次更新完都會出問題,只不過殺傷死無今次咁大,所以網民都無咁大反應,但今次殺到埋身,唔少Windows 10用家都人人自危,加上無限Reboot輪迴情況相當嚴重,搞到Windows 10難以正常使用,唔好話打機,連工作都成問題,開陣機入Windows 10就彈藍畫面直接Reboot,重開幾次甚至會直接卡死,都咪話唔恐怖,到底點解會形成咁?外媒指出最近兩次Windows 10最新安全更新「KB4598242」同「KB4598229」似乎又出現Bug問題,如果係更新過程中無辦法順利完成嘅話,部機就會出現無限Reboot情況,甚至連自我修復功能都未必搞得返掂。

一開機就出現呢個畫面真係火都嚟。
一開機就出現呢個畫面真係火都嚟。
有得更新你真係敢更?
有得更新你真係敢更?

 

 

【Windows 10】瘋狂爆BUG沒落唔係無原因!

其實每次Windows 10更新完用家都會覺得危危地,出現問題都唔係咩新鮮嘢,今次更新完之後出現無限Reboot BUG,外媒更傳出有機會連使用「Automatic Repair」自動修復功能去處理都無辦法嘅情況,咁假如Windows 10出現呢個問題點算好?網上就有高手教路指喺能夠開機情況下重新下載上一次嘅2020年12月更新檔去修補返即可解決問題,但假如一直Reboot開唔到機點搞?專家就話可以透過DISM工具手動修改1月份嘅Windows 10更新檔,不過過程既困難,又未必部部機可以用得著咁話。除咗Windows 10更新BUG之外,只要使用Chrome瀏覽器嘗試前往「globalrootdevicecondrvkernelconnect」都會觸發藍畫面,雖然情況無上一個咁嚴重,但都會影響到未來正常運作嘅情況。

有時想救機都未必救得返。
有時想救機都未必救得返。
系統一出事就神仙都救唔返。
系統一出事就神仙都救唔返。