Whatsapp|覆咗重衰過唔覆!盤點七種Whatsapp收過最乞人憎訊息!

Whatsapp|覆咗重衰過唔覆!盤點七種Whatsapp收過最乞人憎訊息!

WhatsApp|私隱問題出現極大隱憂,雖然人人都話要放棄whatsapp轉用signal,但就有連登仔突破盲腸,話老嘅唔轉、公司腦細又唔轉,我哋班細嘅咪又係要跪住用whatsapp!重點唔單些用咁簡單,更離譜係成日收到堆不知所謂嘅訊息搞到火都嚟,今次就嚟盤點Whatsapp收過最乞人憎訊息!

撰文:馬高斯|圖片:Facebook截圖、Lihkg|編輯:海月、odin

Whatsapp|覆咗重衰過唔覆!盤點七種Whatsapp收過最乞人憎訊息!

WhatsApp早前因為全新私隱條款,要求用戶必須向Facebook分享資料先可以繼續使用,搞到私隱問題有好大隱憂,人人都話要放棄whatsapp轉用signal。每日見啲朋友逐個逐個「移民」,睇嚟好可能又係一個時代嘅交替。不過有連登仔就突破盲腸,如果真係咁驚畀人偷資料,最應該針對宣傳係班老年人同中年人!佢咁講又真係幾有道理,老嘅唔轉,你咪又係要用whatsapp去搵屋企人或親戚;公司腦細唔轉,我哋班細嘅咪又係要跪住用whatsapp!

【Whatsapp移民】盤點Whatsapp收過最乞人憎訊息!連登仔:轉用signal前搞掂班老嘢先!
(圖片來源:Lihkg)

不過食古不化嘅人就無分年齡,今次盤點一下Whatsapp常見收過嘅乞人憎訊息,趁住今次大移民,順便改變吓用send訊息嘅習慣都好!

Whatsapp收過最乞人憎訊息 1:長輩圖

計我話呼籲佢哋轉用signal之餘,重新教育吓佢哋都好重要,啲親戚群組最興出現嘅,唔使多講一定係長輩圖,又花又祝福咁,心諗最乜勁!?分享咗就全家都好幸福?

連登仔:移民signal前搞掂班老嘢先!盤點Whatsapp收過最乞人憎訊息
(圖片來源:Lihkg)

Whatsapp收過最乞人憎訊息 2:亂share不實資訊

第2樣最常見行為,見朋友send啲資訊過嚟,唔fc資訊嘅真確性就四圍send畀人,一嚟會誤導他人,二嚟睇見都煩!

連登仔:移民signal前搞掂班老嘢先!盤點Whatsapp收過最乞人憎訊息
(圖片來源:Lihkg)

Whatsapp收過最乞人憎訊息 3:不明來歷群組

另外,改用signal嘅好處,其中一個就係減少不知名群組出現,相信唔少人都試過,辰時卯時「被加入」一啲遊戲點數卡課金、金融股票攻略、賭波貼士之類之類。

連登仔:移民signal前搞掂班老嘢先!盤點Whatsapp收過最乞人憎訊息
(圖片來源:Lihkg)

Whatsapp收過最乞人憎訊息 4:Emoji

Emoji本身係一個好偉大嘅發明,喺睇唔到感情流露嘅文字上面,畀人知道你而家咩感受。不過實際用果陣就扭曲晒。例如女朋友send「哈哈笑」畀你,唔想跪玻璃就好好諗吓自己衰咩!

【Whatsapp移民】盤點Whatsapp收過最乞人憎訊息!連登仔:轉用signal前搞掂班老嘢先!
(圖片來源:Lihkg)

 

Whatsapp收過最乞人憎訊息 5:千字文

間唔中總係遇上一個人,打字從來唔分段,一次過send一大堆字。最怕就係成段千字文「講嚟講去三篤屁」,睇完又浪費時間又花費精神,不如做人簡單啲,有咩就直講唔好兜圈。

【Whatsapp移民】盤點Whatsapp收過最乞人憎訊息!連登仔:轉用signal前搞掂班老嘢先!
(圖片來源:Lihkg)

Whatsapp收過最乞人憎訊息 6:Hea覆單字

長如千字文當然唔好,不過做人都唔係「太短」,有時見到啲「哦」、「係」、「唔知」、「吓」等等,真係睇見到火滾!你「哦」完之後就無表示?

連登仔:移民signal前搞掂班老嘢先!盤點Whatsapp收過最乞人憎訊息
(圖片來源:Lihkg)

Whatsapp收過最乞人憎訊息 7:已讀不回

特別係心急嘅時候,又或者同鍾意嘅人傾計,睇到最後上線時間同藍剔,真係又愛又恨!時間一秒一秒咁過,你見對方都未回應,真係個心都「囉囉攣」。不過作為已讀不回嘅慣犯表示,真心係太忙,又或者唔知覆你乜好!施主都係熄咗個已讀功能佢,會少好多雜念!

連登仔:移民signal前搞掂班老嘢先!盤點Whatsapp收過最乞人憎訊息
(圖片來源:Lihkg)

相關文章:

WhatsApp備份大家一定要識!港人最普遍使用的通訊軟件WhatsApp不時都會成為整部手機中佔最大容量的軟件,手機時常也會因此在開啟WhatsApp期間變慢或卡住。而其實用家可以在使用一段時間後將WhatsApp的資料備份至電腦、iTunes或iCloud,不需特別上載至Google Drive、方便之後買新電話時可同步資料。今次教大家簡易WhatsApp備份方法,包保不易失敗。

WhatsApp備份教學 幾長時間back up一次好?回復備份一鍵搞掂!

YOU MAY ALSO LIKE ...